Atuakkap qulequtaa: Inuitfilosofi
Fagi: Filosofii
Ilusiligaanera: Atuagaq
Atuakkiortoq: Henning Ditlevsen
ISBN: 879-318-108-6, 978-879-318-108-3
Allaaserinera:
2018-ip aallartisimalernerani Henning Ditlevsenip atuakkiaa ”Inuitfilosofi” saqqummersinneqarpoq. Atuakkiami sammineqarput naggueqatigiit inuit silarsuaq pillugu paasinnittariaasiat, piffissaq aamma inuiaqatigiit pillugit paasinneriaaseq, ileqqorissaarneq/etik aamma inuit isiginnittariaasiat, taamaaliornikkut sammisat taakku europamiut filosofiianut assersuunneqarsinnaassammata. Atugaq Kalallit Nunaanni fagimut filosofiimut taamaalilluni pingaaruteqalerpoq, taamaaliornikkut europamiut filosofiianni aamma inuit filosofiianni isiginneriaatsit sanillersuunneqarsinnaassammata. Soraarummeerutissatut sammisat nutaarluinnaat toqqarneqarnissaannut tamanna aamma ammaassivoq, tassami assersuutigalugu Platonip inunnut isiginneriaasia (inuup timaata tarniatalu marloqiusaanerat) qangarsuarmiilli naggueqatigiit inuit oqaluttuaataannut assersuutigalugu avanersuarmiut oqaluttuaannut tunngatillugu sanillersuunneqarsinnaassammata. Isumaqarluinnarpunga tamanna periarfissaq nutaaq Kalaallit Nunaanni fagimut filosofiimut pingaaruteqarluinnalissasoq, taamaalillunilu filosofiimut censori misilittagaqarluartoq danskiusoq tupigusutsinneqarsinnaassalluni. Henning siusinnerusukkut GUX Nuummi erinarsortitsinermut filosofiimilu ilinniartitsisuusimavoq.
