Matematikkertitsisartunut pinngortitalerititsisartunullu læringsfestival

Meeqqat atuarfianni, ilinniarnertuunngorniarfinni, inuussutissarsiutigalugu ilinniarfeqarfinni ilinniartitsisunngorniarfimmiluunniit matematikimi pinngortitalerinermi, biologimi, fysik/kemimi, naturgeografimiluunniit ilinniartitsisuuit? Taava pinngortitalerinermi læringsfestevaleqartitsinissat aappassaannut Ilisimatusarfimmi 28. – 30. Januar 2027 pisussamut peqataajartorit. Ilinniartitaanermut aqutsisoqarfik Ilinniartitsinermillu Ilisimatusarfik aaqqissuisuupput.

Ilisimasanik isumassarsianillu nutaanik atuartitsinissannut pissarsiaqariartorit. Pikialaartitsinermi saqqummiisoqartassaaq, workshopertoqartassaaq atuartitsinermilu atortunik saqqummersitsisoqarumaarluni.

Makku peqataaffigiartukkit tusarnaariarlugillu: Sermersuarmi sermimik qillerisarnerit, Building Thinking Classroom, matematikkimi ajornartorsiortarneq, matematik misileraaffiullunilu misissuiffiusoq, First Lego Legue, Playful learning, AI atuartitsinermi, Greenland Rising, imermik nukissiornermillu pilersuineq, lupinit, pinngortitalerinermilu sammisat allat. Misileraanerit tigussaasut pinngortitalerinermilu alutornartunik takussutissiisut aamma sammisassat allat pissanganarsinnaasut peqataaffigiartukkit.

Pikialaartitsinermut peqataaneq akeqanngilaq. Peqataaniartut Nuup avataaneersut namminneq angalaneq, ineqarneq nerisaqarnerlu isumagalugulu akilissavaat. Pikialaartitsinerulli nalaani ullup qeqqarsiuteqarlunilu unillatsiarnerni sutugassaqartassaaq.

Pilersaarusiaq sukumiinerusoq kingusinnerusukkut nassiunneqarumaarpoq.

Aamma

matematikkertitsisartut pinngortitalerititsisartulluunnit Nuup avataaneersut qulit angalanissamut ineqarnissamullu makitaasinnaapput

Aaguk: Qinnuteqarfissaq

Qinnuteqarnermut immersuiffik kommunessinni atuarfinnut aqutsisoqarfimmut kingusinnerpaamik 30. Oktober 2026 nassiunneqassaaq, ila@nanoq.gl ilaatillugu (cc).

Ilinniartitaanermut aqutsisoqarfimmi 6. november 2026 makitsisoqassaaq.