Tusagassiorfinnut nalunaarut
Det Nationale Center for Udvikling af Matematikundervisning (NCUM) suleqatigalugu Ilinniartitaanermut Aqutsisoqarfik, Ilinniarfissuaq, Nuummi Sisimiunilu meeqqat atuarfii kiisalu ilinniarnertuunngorniarfiit Novo Nordisk Fondenimit 5 mio. kronit missigisaannik aningaasaliiffigineqarput. Aningaasaliissutit taakku ukiuni tulliuttuni pingasuni Kalaallit Nunaanni matematikkertitsisarneq pitsanngorsaaffiginiarlugu suliniutaasussamut nutaaliorfiusumut atorneqassapput.
Suliniut TIM – Tamatta Ikioqatigiilluta Matematikkerta
Suliniut TIM-imik taaneqartoq (”Tamatta Ikioqatigiilluta Matematikkerta”) matematikkimi siunnersortit attaveqaqatigiittarnissaannik piujuartitsiffiusussamik pilersitsinissamik siunertaqarfigineqarpoq. Matematikkimi siunnersortit atuarfinnit tamaneersut matematikkertitsisartut sisamaasut ineriartortitseqatigiittussat peqatigalugit suleqatigiissapput. Peqatigiillutik suliatigut peqatigiissutigineqartut atuartitseriaatsimut atuartullu atuartitsinernit pissarsiarisartagaannut pitsanngorsaataasussaasut pilersissavaat.
Suliniutip tunngavigaa nunarsuaq tamakkerlugu ilisimatusarsimaneq attaveqaqatigiittarnerup suliatigullu ataatsimoorfeqarnerup atuartitsinermut pitsannguilluartarnerannik takussutissiisimasoq.
Atuartitsisarnerup pitsaanerulersinneqarnissaanut suliniut erseqqissoq
Suliniummut TIM-imut atatillugu matematikkimi siunnersortit:
- Ulluni marlunni seminareqarnissamut ilisimasalinnik isumassarsiorfigisassaminnut suleqatiminnillu siunersioqateqarfissaminnut peqataassapput,
- ineriartortitseqatigiillu peqatigalugit atuartitsinissamik nutaaliorfiusussamik pilersaarusiornissamut misileraanissamullu piffissalerneqassallutik.
Suliniut TIM NCUM-imit Ilinniarfissuaq Ilinniartitaanermullu Aqutsisoqarfik suleqatigalugit aqunneqassaaq.
Kalaallit Nunaannut tamarmut takorluugaq
Anguniakkat tassaapput TIM-imit misilittagarineqalersut Kalaallit Nunaata sinneranut siaruarneqarnissaat nunamilu tamarmi suliatigut peqatigiinnerup siuarsarneqarnissaanut tunngavissiinissaq.
Paasisaqarnerusunut attaveqarfissat:
- Projektimik aqutsisoq: Bent Lindhardt, NCUM, Tlf.nr. +4540418064 email: bli@pha.dk
Saaffigisassat:
- Malene O. Jensen, Institut for Læring, email: maoj@uni.gl
- Karla Petrussen, Uddannelsesstyrelsen, Tlf.nr. 345658, email: karp@nanoq.gl
Angusaqarluarumalluni suliniutaasup inernerisa pitsaasut Kalaallit Nunaanni matematikkertitsisarnerup pitsaassusianik qaffatsitsisussat takunissaat qilanaaraavut.
