Misilitsinnermut ukiumut pilersaarut 

1

Juni/juuli

ILA

”Ukiumut pilersaarut” atuarfinnut misilitsiffiusunut ingerlatsivinnullu nassiunneqassaaq.

”Meeqqat atuarfianni inaarutaasumik naliliineq pillugu Namminersornerullutik Oqartussat nalunaarutaat nr. 3, 9. januar 2009-meersoq pillugu ilitsersuut ilassutaasu-millu oqaaseqaatit” ingerlaavartumik aaqqiiffigineqartartussaq ukiumut pilersaarummi imarisaasa arlalinnik itisiliivoq nittartakkamilu qupperneqatigalugu iserasuaammiilluni.

Ilitsersuut ilassutaasunillu oqaaseqaatit

2

Aggusti

Atuarfiup pisortaa

Skemat (immersugassat/blanketsit) atugassat atuarfiit allaffissornermut programmianni Tabulex TEA-miipput.

Aamma takuuk Ilitsersuut ilassutaasunillu oqaaseqaatit.

Atuarfinnut misilitsiffiusunut Tabulex TEA-qanngitsut immersugassat qarasaasiakkut nassiunneqarput kiisalu ILA-p nittartagaani aaneqarsinnaallutik.

3

Aggusti

Atuarfiup pisortaa

Misilitsinneq pillugu nalunaarummi § 17 aamma 18:

Atuarfiup ILA-mut 1. juli nalunaarutaa tunngavigalugu immikkut ittumik oqaluttariarsorluni misilitsinneq ingerlatissavaa, takuuk ukiumut pilersaarummi imm. 30.

Malittarisassat atuuttut naapertorlugit karakteerit allattorsimaffii aamma atuarsimanermut uppernarsaatit suliarineqassapput. Karakteerit pillugit nalunaarut il.il. misilitsinneq naammassiinnartoq nassiunneqassapput, takuuk ukiumut pilersaarummi imm. 27, 28, 30, 31, 32, 33 aamma 34.

Pisassiissutinik nutaanik sanasoqassanngilaq. Atuartumut pisassiissutit upernaakkut suliarineqartut misilitsinnermi tunngaviussapput, aamma misilitsissutigineqartut. Misilitsissutissat qassiunissaat pillugu misilitsinnermut nalunaarummi § 49 innersuussutigineqarpoq.

Censorip misilitsinnissaq ullunik 14-inik sioqqullugu misilitsissutit tigoreersimassavai.

4

Aggusti

Atuarfiup pisortaata

Atuartut atuartinneqarnerannut ilagitillugu misilitsiffiusartuni misilitsinnermi         

piumasaqaatinik atuartitsissutini misilitsiffiusartuni atuuttunik ilisimatinneqarnissaat isumagissavaa.

Misilitsinneq pillugu nalunaarummi §1 aamma § 2, imm. 2:

Atuartitsineq atuartitsissutit siunertaannik atuartitsissutinilu ilikkagassatut anguniagassanik aallaaveqarpoq.

Misilitsinnerit ulluinnarni atuartitsinermi sulineq takutittussaavaat.

Pisassiissutit immersorneqarnissaat eqqarsaatigalugu 10. klassimi atuartitsinerup tamakkiisumik imaqartinneqarnissaa siunertaralugu iliuusissatut pilersaaruteqarnissaq qularnaarneqassaaq, takuuk ukiumut pilersaarummi imm. 22 28-lu, tamannalu peqatigalugu misilitsissutissanik katersisoqassalluni, tak. misilitsinneq pillugu nalunaarummi § 47 aamma 48.

Ilinniartitsisut atuartitsissummi misilitsiffiusumi ilinniartitsisuusut pisassiissutit misilitsissutissallu imarisassaannut ilusissaannullu piumasaqaatit ilisimassavaat tak. misilitsinneq pillugu nalunaarummi kap. 9.

Takuuk Ilitsersuut ilassutaasunillu oqaaseqaatit.

5

Oktobarip aallaqqaataa

Atuarfiup pisortaa / atuarfimmik ingerlatsivik

Oktobarip aallaqqaataanut nalunaarsuut (1. oktober-indberetning – Tabulex TRIO) tamakkiisumik immersorlugu ILA-mut nassiunneqassaaq. 

6

Novembarip allaqqaataani

ILA

Misilitsinneq pillugu nalunaarummi § 7, § 8, imm. 1 aamma 2, aamma § 9, imm. 1 aamma 2:

Nalinginnaasumik misilitsinnissami misilitsinnerit ingerlannissaannut pilersaarut nassiunneqassaaq.

7

Novembarip allaqqaataani

Atuarfiup pisortaa

Misilitsinneq pillugu nalunaarummi § 9, imm. 3 aamma 4:

Misilitsinnissat ingerlannissaannut pilersaarut nassiuteriiginnartoq atuartunut angajoqqaanullu ilisimatitsissutigineqassaaq, atuartut namminneerlutik toqqakkaminnik oqaluttariarsornermi imaluunniit oqaluttariarsorluni-sulilluni misilitsinnissaminnut  ataatsimut nalunaarsinnaaniassammata.

Taamatuttaaq atuartut aalajangissavaat, allamiut oqaasiini namminneerlutik toqqakkaminni misilitsikkumanerlutik.

Atuartut siunnersorneqarnissaat nalunaarnissaallu pillugu takuuk Ilitsersuut ilassutaasunillu oqaaseqaatit

Malugiuk: Misilitsinnermut nalunaarneq, Atuartup toqqagaa, atuarfimmi atuartup mappi-aniitinneqassaaq.

8

Novembari

Atuarfiup pisortaa

Misilitsinneq pillugu nalunaarummi § 6, § 54, imm. 1 aamma 2, aamma § 55:

Atuartut aalajangersimasumik qulequtaqarlutik suliassaata qulequtassaanik pingaarnermik il.il. toqqaanissamut, atuartut kikkut misilitseqatigiittussaanerinik aalajangiinissamut kiisalu atuartut siunnersornissaannut pilersaarusiorneq aallartinneqassaaq.

9

Novembari

Atuarfiup pisortaata

Misilitsinneq pillugu nalunaarummi § 91 aamma 92:

Ilinniartitsisunut censorit nalunaarusiaat angusallu (karakteerillu) allattorsimaffiiata  matuminnga ILA-mut nalunaaruteqarnissaannik maluginiaqqussavaa. – takuuk ukiumut pilersaarummi imm. 30-34. 

10

Decembari

nallertinnagu

Atuarfiup pisortaa

Misilitsinneq pillugu nalunaarummi § 24: Immikkut atugaqarluni misilitsinneq

Atuarfimmi inaarutaasumik misilitsinnerni maleruagassanik

naammassisaqarsinnaannginneq pillugu iliuusissamut nalunaarummik nassiussisoqassaaq. Atuartut immikkut tamarmik nalunaatigineqassapput.

Nalunaarut makkuninnga imaqassaaq:

1. Nalunaarummut tunngaviusoq, siornatigut akuersissutaasimasinnaasut ilanngullugit.
2. Atuartitsissut misilitsiffiusussarlu.
3. Naammassinninnginnerup ilusaa annertussusaalu.
   Nalunaarummut MISI/PPR-ip oqaaseqaataa/naliliinera ilanngunneqassaaq.

Takuuk Ilitsersuut ilassutaasunillu oqaaseqaatit

11

Decembarip

aallaqqaataa-ni

Atuarfiup pisortaa

Misilitsinneq pillugu nalunaarummi § 11, imm. 2:

Atuartunik, atuarfiup pisortaata atuartitsissummi ataatsimi arlaqartuniluunniit misilitsinnissani peqataannginnissaannik akuerisaanik nalunaarsuiffik, kingusinnerpaamik 11. decemberimi ILA-mit- ilamisili@nanoq.gl tigoreerneqartussaq.

Nalunaarsuiffimmi allassimassapput atuartup inuup-normua, klasse atuarfigisaa     kiisalu atuartitsissummi/-tini sorlermi/-ni peqataasussaannginnersoq.

Atuartitsissutit ataasiakkaat nalaanni MISI/PPR-ip inassutaa + -imik (plus inassutaa) aamma – (minus inassuteqannginnera) nalunaarneqassaaq.

Atuartitsissummi misilitsiffiusussami arlalinnik immikkoortulimmi

misilitseqataannginnissaq atuartitsissummi tassani immikkoortunut tamanut atuuppoq. Atuartitsissutip ataatsip immikkoortuini ataasiinnarmi misilitseqataanngitsoqarsinnaanngilaq.

12

Decembarip

aallartinnera-ni

Atuarfiup pisortaa

Misilitsinneq pillugu nalunaarummi § 2, imm. 1, § 6, § 11, 12, 13 aamma 14 kiisalu § 59, imm. 4:

Inaarutaasumik misilitsinnernut nalunaarsuiffik (prøveanmeldelse) immersorneqassaaq. Atuarfiit tamarmik, atuarfiit atuarfiillu allat misilitsiffiusartut, namminneq GR/skolekodertik atorlugu, nalunaarummik ILA-mut nassiussissapput. Ullut aalaja-ngersimasumik qulequtaqarluni saqqummiussiffissat ilanngunneqassapput.

Inaarutaasumik isilitsinnissamut nalunaarsuiffik nassiunneqassaaq, ILA-mit – ilamisili@nanoq.gl kingusinnerpaamik 11. december tiguneqartussanngorlugu.

Aamma takuuk Ilitsersuut ilassutaasunillu oqaaseqaatit.

13

Decembarip

aallartinnera-ni

Atuarfiup pisortaa / Ingerlatsivimmi pisortaq

Immikkut allagaqaateqarlutik paasissutissiissaaq, piffimmi atuartitsissutini sorlerni oqaluttariarsorluni misilitsinnerni naammattumik censorissaqannginnermik.

Kommunit arlalinnik misilitsiffiusartunik atuarfilinni ataatsimut nalunaarutigineqassapput.

14

Decembarip

aallartinnera-ni

Atuarfiup pisortaa

Allagaqaatigalugu atuarfiup pisortaata ilinniartitsisut censoriusinnaallutik nalunaarutaat oqaaseqarfigalugit nassiutissavai.

Aamma takuuk Ilitsersuut ilassutaasunillu oqaaseqaatit

15

Januaari

ILA

Ukiuni atuarfiusuni tulleriinni marlunni atuarfinni misilitsiffiusussat, alloriarfinni inaa-rutaasumillu misilitsinnissanik piffissalersuummik imaqartoq, nassiutissavaa.

16

Januaari

ILA

Misilitsinneq pillugu nalunaarummi § 52:

Oqaluttariarsorluni misilitsinnissani censoriusussat nalunaarutigineqassapput. 

17

Februaari

Atuarfiup pisortaa / Ingerlatsivik

Misilitsinneq pillugu nalunaarummi § 52 aamma 53:

Oqaluttariarsornermi censoriunissamut plan A-mik B-imillu pilersaarsiorneq aallartinneqassaaq – aamma takuuk ukiumut pilersaarummi imm. 29.

18

Februaarip naatinnagu

ILA

Oqaluttariarsorluni misilitsinnerni censoriunissamut toqqagaanermut allagaq, assigiimmik oqaasertalik, censorimut, censorip atuarfimmi pisortaanut ingerlatsivimmullu nassiunneqassaaq.

19

Marsi

ILA

Misilitsinneq pillugu nalunaarummi § 29:

Nassiussat allakkat puuinik atuartitsissutini taakkualu immikkoortuini allattariarsorluni misilitsinnerni suliassanik imallit atuarfinnut timmisartukkut tammatsaaliukkatut nassiunneqassapput.

20

Marsi/apriili

Atuarfiup pisortaa

Misilitsinneq pillugu nalunaarummi § 32:

Timmisartukkut tammatsaaliukkatut nassiussat tiguinnarlugit allakkat puuisa misilit-sissutissanik imaat kisinneqarlutillu misissorneqassapput.

Atuartitsissutini taakkualu immikkoortuini ataasiakkaani misilitsissutissat kisitat poortukkat allattorsimaffiinut nalunaarsukkat ILA-mut – ilamisili@nanoq.gl nassiunneqassapput.

Atuarfiit allattariarsorluni misilitsinnissat aallartinnissaat naammaginartumik sioqqul-lugu misilitsissutissat tigusimanngikkunikkit, tamanna ILA-mut piaartumik nalunaarutigissavaat.

21

Marsi

ILA

Misilitsinneq pillugu nalunaarummi § 43:

• Allattariarsorluni misilitsinnerni censorissat allattorsimaffiat nassiunneqassaaq.
• Allattariarsorluni misilitsinnerni censoriunissamut toqqagaanermut allakkat, assigiimmik oqaasertallit, censorimut, censorip atuarfimmi pisortaanut ingerlatsivimmullu nassiunneqassapput.

22

Marsip naanerani

Atuarfiup pisortaata

Pisassiissutit suliarineqarnissaat piareersalissavaa.

Pisassiissutinut skema elektroniskiusoq atuartitsissutini tamani oqaluttariarsorluni aamma oqaluttariarsorluni-sulilluni misilitsiffiusartunut klassinullu/holdimut tamanut immersorneqassaaq.

Malugiuk: Censori, atuarfik censorip suliffia, ulloq misilitsiffik il.il. skemani taakkunani paasissutissatut allanneqassapput.

Pisassiissutit aamma oqaluttariarsorluni oqaluttariarsorlunilu-sulilluni misilitsinnerit ingerlannissaat pillugit Ilitsersuut ilassutaasunillu oqaaseqaatit takuuk.

Pisassiissutit nassiussornissaannut ukiumut pilersaarummi imm. 28 takuuk.

23

Apriilip

aallartinnerani

Atuarfiup pisortaa

Misilitsinneq pillugu nalunaarummi § 91:

Holdinut/klassinut nalunaarutigineqarsimasunut karakteerit allassimaffii Tabulex

TEA-mi suliarineqassapput, imaluunniit karakteerit allattorsimaffiini elektroniskiusuni. Malugeqquneqarpoq, klassimi/holdimi atuartut tamarmik karakteerit allattorsimaffianni allassimasussaammata.

24

Apriili

Atuarfiup pisortaa

Misilitsinneq pillugu nalunaarummi § 20, 21 aamma 92:

Nunap immikkoortuini kommuninilu atuarfinni ataasiakkaani oqaluttariarsorluni misilitsinnerit piareersarnerat ingerlannerallu ataqatigiissaassavai.

Oqaluttariarsorluni misilitsinnerit nalunaarutiginissaannut skemat ILA-p nittartagaaniittut censorinut toqqarneqartunut najugarisameersunut agguaanneqassapput, tak. ukiumut pilersaarummi imm 34.

Malugiuk:

Oqaluttariarsorluni misilitsinnerit aasakkut feeriarnissap aallartinnissaa sapin-ngisamik sioqqutitsiarlugu inissinneqassapput.

Censorit angalanissaat, najugaqarfissaat il.il pillugit suleqatigiittoqassaaq pisariaqartitsinerlu naapertorlugu ilisimatitseqatigiittoqartassalluni.

Oqaluttariarsorluni misilitsinnissani ullut ineqarnissamut kissaatit ilanngullugit ILA-mut nalunaarutigineqassapput. ILA-mit bilitsit, ineqarneq ullormusiassallu isumaqagineqassapput.

25

Apriilip

qeqqani

Atuarfiup pisortaa

Misilitsinneq pillugu nalunaarummi § 89 aamma 91:

10. klassimi atuartut tamarmik angusamikkut karakteerii (ukiumut karakteerii) ki-ngulliit ulloq misilitsiffissaq kingulleq sioqqullugu Meeqqat Atuarfianni angusat misilitsinnerillu allanneqassapput.

Aamma takuuk Ilitsersuut ilassutaasunillu oqaaseqaatit

26

Apriilip

qeqqani

Atuarfiup pisortaa

Napparsimasoqartillugu allattariarsornermi misilitsinneq –

bkg 03 2009 (nalunaarutit.gl) kap. 3.

Periarfissaqarpat napparsimasimasunut allattariarsorluni misilitsinnerit, kingusinnerpaamik misilitsinnerit nalinginnaasut sap. ak. 2-3-nik kingoqqullugit ingerlanneqassapput.

Ilinniartitaanermut Aqutsisoqarfiup napparsimasimasunut allattariarsorluni misilitsinnerit ulluni suni ingerlanneqarnissaat aalajangissavaa.

27

Apriilip

qeqqani

Atuarfiup pisortaa

Misilitsinneq pillugu nalunaarummi § 21, 22, 23 aamma 42:

Allattariarsorluni misilitsinnerit sioqqutitsiarlugit atuartut ataasiakkaat nakkutillii-sussallu malittarisassat il.il. pillugit ilisimatinneqassapput.

Allattariarsorluni misilitsinnerit ingerlanneqassapput allattariarsorluni misilitsinnernut pilersaarut kiisalu malittarisassat atuuttut naapertorlugit.

Misilitsinnerit naammassiinnartut atuarfiup allattariarsorluni misilitsissutit censorimut nassiutissavai, karakteerinut allattuiffissaq ilanngullugu.

Misilitsissutit tammatsaaliukkatut timmisartukkut nassiunneqassapput. 

28

Apriili

Atuarfiup pisortaa

Pisassiissutit – ukiumut pilersaarummi imm. 22-mit nanginnera

ILA-mut – ilamisili@nanoq.gl nassiussat immikkut allakkatigut, atuartitsissutinut immikkuutaartumik pisassiissutit klassinut atuartitsissutinullu tamanut suliaasut ilanngullugit, nassiunneqassapput.

Nassiussisoqannginnerani atuarfiup pisortaata pisassiissutit eqqortumik immersorsimanissaat qularnaassavaa.

Pisassiissutit pingasunngorlugit naqinneqassapput:

• Naqitaq siulleq kingusinnerpaamik 1. maj ILA-mit – ilamisili@nanoq.gltiguneqartussanngorlugu nassiunneqassaaq.
• Naqitat aappaat kingusinnerpaamik 1. maj censorimit tiguneqartussanngorlugu nassiunneqassaaq, ilanngussat suullu allat pisassiissutinut attuumassuteqartut ilanngullugit. Tamatumunnga peqatigitillugu misilitsinnermi apeqqutissat imaluunniit misilitsinnermi suliassat censorimut nassiunneqassapput. Malugiuk makitassat ataasiakkaat ima suliaassammata, atuartitsissummi ilikkagassatut anguniagassat immikkoortui arlallit misilitsiffiusinnaasunngorlugit. Misilitsinnernut pisassiissutit kompendianeersut imaluunniit ilassutigalugit atortussianit allanit tigusat censorimut nassiunneqassapput.
• Naqitat pingajuat atuarfiup tigummissavaa (atuarfiup, ilinniartitsisup atuartullu). Matumani eqqaasitsissutigineqassaaq, pisassiissutit assingat atuartunut 1. maj tunniunneqassammat.

29

Maaji

Atuarfiup pisortaata

Misilitsinneq pillugu nalunaarummi § 21:

Oqaluttariarsorluni misilitsinnernut pilersaarut malinneqarsinnaanngippat, soorlu censori angallanneq patsisigalugu piffissamut aalajangikkamut anngutinngippat, atuarfiup pisortaata allannguutissat pisariaqartut aalajangiiffigissavai.

Taamaattoq censorit ILA-mit toqqarneqartut pillugit ILA isumasioqatigineqaqqaassaaq.

30

Juunip

qeqqani

Atuarfiup pisortaa

Misilitsinneq pillugu nalunaarummi § 17 aamma 18:

Pappiara nalinginnaasoq A4 atorlugu atuartut oqaluttariarsornermi aasaanerani atuanngiffik qaangiuppat misilitsinnissaminnut akuerisaasut aqqisa inuullu normuisa allattorsimaffiat ILA-mut – ilamisili@nanoq.gl nassiutissavaa.

Taamatuttaaq immikkut misilitsittoqarnissaanut piffissaliussat nalunaarutigineqassapput (atuartitsissut, ullut misilitsiffissat, censori aamma ilinniartitsisoq).

Allattariarsornermi misilitsittussat ass. ukiumi upernaakkulluunniit Majoriami imlt.   efterskolimi allattariarsornermut innersuunneqarnissaannut periarfissaqarpoq.

31

Juunip

qeqqani

Atuarfiup pisortaa

Misilitsinneq pillugu nalunaarummi § 91:

Misilitsinnerit naammassiinnartut atuartut atuarnerminnik naammassinnittut tamar-mik nalunaarsorneqarnerat ILA-mut – ilamisili@nanoq.gl nassiunneqassaaq, ukua krydsimik immikkut nalunaarlugit:

1. Atuartut atuarfimmit anisut tamarmik aqqi inuullu normui ammut tulleriillugit allattorsimasut, ukuninnga tunineqarsimasut: Atuarsimanermut uppernarsaatit misilitsissimasunut (atuarfimmi atuartut) imlt.  Uppernarsaatit (Majoriami il.il. atuartut)
2. Atuarsimanermut uppernarsaatit misilitsissimanngitsunut (atuarfimmi atuartut – atuartut immikkut klassimi atuartitaasut)
3. Atuartut atuarfimmit ‘tammakkat’.

Malugiuk: Atuartut atuarfimmit anippata aatsaat uppernarsaatit atsiorneqassapput.        Uppernarsaatit immersornissaat pillugu takuuk Ilitsersuut ilassutaasunillu oqaaseqaatit.

Uppernarsaatit assingi Nunatta allagaateqarfianut nassiunneqarsinnaanissamik tungaannut atuarfimmi/kommunimi toqqorsimaneqassapput. Atuarfiup aamma/imlt. Allagaateqarfiup inuit misilitsissimanerminut uppernarsaammik assinganik pisariaqartut sullississavaat.

32

Juunip

qeqqani

Atuarfiup pisortaa

Misilitsinneq pillugu nalunaarummi § 91:

Misilitsinnerit naammassiinnartut ILA-mut – ilamisili@nanoq.gl immikkut allagaqarluni karakteerit nalunaarutigineqassapput, ukiumut karakteerit misilitsinnermilu karakteerit ilanngullugit. Misilitsinnermut tamarmut atuartitsissutikkuutaartumillu nalunaarusiortoqassaaq.

Malugiuk: Malugeqquneqarpoq, atuartut misilitsinnermi peqataasimanngitsut ukiumut karakteerii aamma ilanngunneqassammata. 

Aamma takuuk Ilitsersuut ilassutaasunillu oqaaseqaatit.

33

Juunip

qeqqani

Atuarfiup pisortaa

Misilitsinneq pillugu nalunaarummi § 91:

Misilitsinnerit naammassiinnartut misilitsinnerit ingerlanneqarsimasut takussutissaat (aflagte prøver) immersugassaq elektroniskiusoq ILA-mut – ilamisili@nanoq.gl immikkut allagaqarluni nassiunneqassaaq.

Atuarfiit ilinniartoqarfiillu misilitsiffiusut tamarmik namminneq nassiussissapput.

Aamma takuuk Ilitsersuut ilassutaasunillu oqaaseqaatit.

34

Juunip

naannginnerani

Atuarfiup piortaa

Misilitsinneq pillugu nalunaarummi § 91:

Censorit atuarfinnit toqqagaasut nalunaarutaat atuarfiup misilitsiffiusup pisortaata katersussavai ataatsimullu ILA-mut – ilamisili@nanoq.gl nassiullugit.

Atuarfiup pisortaa

Qulakkeerinnissut:

Takuuk ukiumut pilersaarummi imm.30, 31, 32, 33, 34 katersat ILA-mut – ilamisili@nanoq.gl nassiunneqareersimassapput.