Mernguernartut
Mernguernartut tassaapput atuartut 1. klassiniit 10. klassinut ingerlatassaat. Uani paasisaqarfigikkit Mernguernartunik atuartitsinerup siunertaa, atuartitsinermut pilersaarusiat, isumassarsiorfiit aammalu Sumiiffinni qinigassani misilitsinnernut tunngasut.
Siunertaa
Atuartitsinerup siunertaraa atuartut atuartitsissutit susassaqarfii sisamat, makku: assassorneq ilusilersuinerlu, eqqumiitsuliorneq illussanillu titartaaneq, timersorneq silamiinnerlu kiisalu nipilersorneq, erinarsorneq, timip aalatinnera isiginnaartitsinerlu, paasisaqarfigissagaat tamatigoortumillu piginnaasaqarfigilissaagaat. Sumiiffinni ataasiakkaani ilinniartitsissutissatut toqqakkani ilaatinneqassapput sumiiffinni ileqqut kulturikkullu aaqqissuussinerit siunertaralugu kulturip pilersitsiffiusullu ataqatigiinnerannik paasisitsineq. Atuartitsinerup peqataaffigissavaattaaq atuartut kulturikkut oqaluttuarisaanerup nalinginik oqaatiginneriaatsinillu nutaalianik pisoqaasunillu paasisaqarfiginnillutillu paasinnissasut.
Namminersornerullutik Oqartussat nalunaarutaanni alloriarfiit atuartitsissutillu siunertaat, ilikkagassatullu anguniagassat kap. 12-mi atuakkit.
Attavissaq
Inatsisit
- Atuarfik pillugu Inatsisartut inatsisaat pillugu Namminersorlutik Oqartussat nalunaarutaat nr. 19, 27. april 2023-imersoq
- Atuarfik pillugu Inatsisartut inatsississaattut siunnersuut nr. 15, 3. December 2012-imeersoq
- Atuarfimmi atuartitsissutini atuartitsissutinilu qanitariissuni alloriarfiit siunertaat kiisalu atuartitsissutit siunertaat ilikkagassatullu anguniagassat pillugit Namminersornerullutik Oqartussat nalunaarutaat nr. 16, 24. juuni 2003-meersoq
- Atuarfimmi naliliisarneq uppernarsaasiortarnerlu pillugit Namminersornerullutik Oqartussat nalunaarutaat nr. 2, 9. januar 2009-meersoq
- Meeqqat atuarfianni inaarutaasumik naliliineq pillugu Namminersornerullutik Oqartussat nalunaarutaat nr. 3, 9. januar 2009-meersoq
Kingullermik nutarterneqarpoq: 12. maj 2023