Upperisalerineq isumalioqqissaarnerlu

Atuartitsinerup siunertaraa, atuartut kristumiussuseq inuillu upperisaat ilisimasaqarfigilerlugillu paasisimasaqarfigilissagaat. Atuartut nunarsuaq tamakkerlugu upperisat ilisimasaqarfigilissavaat kiisalu upperisarsornerup iluani isiginneriaatsit isumalioqqissaarnerullu sammivii. Atuartut inunnik isiginneriaatsit assigiinngitsut iluanni ileqqorissaarnerup tunngavii paasisimasaqarfigilissavaat.

Namminersornerullutik Oqartussat nalunaarutaanni alloriarfiit atuartitsissutillu siunertaat, ilikkagassatullu anguniagassat kap. 11-mi atuakkit.

Ikaarsaariarnermi aalajangersagaq ilanngunneqarpoq, taannalu malillugu atuartut ukiumi atuarfiusumi 2023-2024-mi 8. klassimi klassimiluunniit qaffasinnerusumi aallartittut, nalunaarummi pisoqqami aalajangersakkat naapertorlugit atuartinneqassapput. Imaappoq nalunaarut nutaaq taamaallaat atuutissasoq atuartunut ukiumi atuarfiusumi 2023-2024-mi 1.-7. klassini atualersunut.