Atuartumut

Ultra:bit-imik unammisitsinermi sulerissavisi? Tamanna pillugu Sofie Østergaard aamma Thor NØRD-imeersut uani oqaluttuarput.

Sisamavileeraq narsaannarmiu, uniaaluk aamma immap nattoralia pissaaneqartut tusarsimaviuk? Sisamavileeqqap narsaannarmiup qalipaanni allanngorsinnaavaa eqqaminiittunullu ilassuuttunngorsarsinnaalluni, uniaaluup imminit tallimariaammik oqimaannerusut kivissinnaavai. Aamma immap nattoraliata nattoraleqatini kilometerinik arlalinnik ungasitsigisumiittut takusinnaavai.

Torrak. Immaqa isumaqarpusi uumasut Danmarkimiittut soqutiginanngitsuusut, kisianni sisamavileeraq narsaannarmiu, uniaaluk aamma immap nattoralia Danmarkimi uumasuupput. Aamma allarpassuarnik tuusintilikkaanik alutornavissunik uumasoqarpoq – paasisaqarfigiinnartussaavasi.

Maanna ilissi qallunaat / kalaallit uumasuinik assut alutornartunik nassaarsiorlusilu misissuisussanngorpusi!

Teknologii soorlu BBC micro:bit imaluunniit kodiliuut Scratch atorlugu uumasuliamik piginnaanilissuarmik nammineerlusi pilersitsissaasi. Qallunaat / kalaallit uumasuisa nammineq toqqakkassi marluk piginnaanerisa kattunnerisigut uumasumik piginnaanilissuarmik pilersitsissaasi.

Sofie Østergaard ultra:bit LIVE-mi aqutsisuussaaq, uumasullu piginnaanilissuit pitsaanerpaat toqqarnissaannut qilanaalereerpoq.

Sofie aamma Thor sulerinissassinnik isiginnaagassami UANI oqaluttuartut isiginnaarsigit.

Maanna Danmarkip uumasuinik torraanerpaanik ujalernissamut misissuinissamullu piffissanngorpoq!

Teknologii atorlugu namminneerlusi uumasuliunnginnissinni qallunaat uumasuinik misissueqqaassaasi.

Atuaqatigiit tamarmiullusi Sofiemik Thorimillu isiginnaagassiaq isiginnaarsiuk.

Ataatsimoorlusi qallunaat uumasuinik brainstormimik suliaqaritsi (isumasioqatigiigitsi). Oqaloqatigiissaasi, siunnersuutisilu allattarfissuarmut allattassavasi.

Ilinniartitsisorsi isumasioqatigiinnissinni ikiuutaasinnaasunik apeqqutissaqarpoq.

Eqimattani

Brainstormerlusi isumasioqatigiinnissinni allattukkasi assiliissummik assilissavasi.

Uumasut marluk pitsaanerpaasorisasi toqqassavasi. Qallunaat uumasuisa assingi ataaniittut isumassarsiorfittut qimerloorsinnaavasi, imaluunniit pinngortitaq pillugu aallakaatitassianit nangeqattaartunit Vilde Vidunderlige Danmarkimit isiginnaagassat ilaat UANI isiginnaassavasi.

Uumasunik torraanerpaanik toqqaaniarnissinni apeqqutit ataaniittut najoqqutarisinnaavasi:

• Sooq uumasut toqqakkasi pitsaanerpaasoraasigit?
• Isikkui pissutigalugit?
• Maluginiutaat pissutigalugit?
• Aalariaasii pissutigalugit?
• Attaveqaqatigeeriaasii pissutigalugit?
• Sumiiffimmut najukkaminnut isikkui piginnaasaallu naleqquppat? Qanoq?

Eqimattani

Uumasut marluk toqqareerussigit skiima UANIITTOQ immersussavarsi. Skiimap immersornissaanut uumasut sukumiinerusumik misissussavasi. Internetimi atuagaateqarfimmiluunniit paasissutissanik ujarlersinnaavusi.

Assit:

1. Nattoralissuaq, kongeørnen, tappissorsuullunilu inngigissunik kukeqarpoq. (Assi: Mastiff TV © Mastiff)

2. Sisamavileeqqap narsaannarmiup akeqqani salloqittarniarlugu pamiuni katassinnaavaa. Pamiua naaqqittarpoq. (Assi: Mastiff TV © Mastiff)

3. Pakkaluaq, ensianblåfuglen, qullugiaasinnarluni pakkaluanngortarpoq. (Assi: Mastiff TV © Mastiff)

4. Niisa nipip maligaasai atorlugit piniartarpoq. (Assi: Mastiff TV © Mastiff)

5. Pulateriaarsuk, hogormen, toqunartulinnik kiguteqarpoq. (Assi: Mastiff TV © Mastiff)

6. Ukaleq tutsarissorujussuullunilu sukkasoorujussuarmik pissigarluni ingerlasarpoq. (Assi: Mastiff TV © Mastiff)

7. Uniaaluk nukittoorujussuuvoq imminillu tallimariaammik oqimaannerusut kivissinnaallugit. (Assi: Mastiff TV © Mastiff)

8. Kiggiap, bæveren, kigumminik ninngusuunik suut tamangajaasa mangiarsinnaasarpai. (Foto: Mastiff TV © Mastiff)

9. Kigutiliuneq, gedden, uninngaqqissaarsinnaasarpoq piniakkilu periataarluni pisarisarlugu. (Foto: Mastiff TV © Mastiff)

10. Timmiaaraq, isfuglen, kusanarluinnartunik erseqqissunillu qalipaateqarpoq. (Foto: Mastiff TV © Mastiff)

Siumut eqqarsaateqareersimanani isumassarsiniarneq ajornarsinnaasarpoq. Kisianni Lakserytterenip isumassarsiniarnissinni ikiorsinnaavaasi.

Maanna uumasuutissinnut piginnaanilissuarmut isumassarsiassinnik ineriartortitsinissassinnut piffissanngorpoq.

Atugaqatigiit tamarmik

Lakserytterenimik isiginnaagassiaq isiginnaarsiuk.

Eqimattani

Uumasut toqqakkasi marluusut ataatsimut kattullugit piginnaanilissuanngorlugit uumasunngortissavasi. Pappialamut uumasoq titartaasaannakkamik titartassavarsi (skitse).

Eqimattani

Titartaasaannagarsi titartaqqissaassavarsi inaarutaasumillu titartaassallusi.

Tamatuma kingornagut Scratchimi suliaqassagussi uumasuutissinnik titartakkasi inaarutaasut Scratchimi titartassavasi. Qanoq iliorsinnaanerlutit UANI takuuk.

BBC micro:bitimik suliaqassagussi uumasuutissinnik titartakkasi pappialaannarmut digitalimilluunniit titartarsinnaavasi.

Maanna uumasuutissi piginnaanilissuup BBC micro:bit atorlugu imaluunniit kodit atorlugit programmiliuut Scratch atorlugu suliarinissaanut piffissanngorpoq.

Atuaqatigiit tamarmik

Atuaqatigiit tamassi Sofiemik Thorimillu isiginnaagassiaq isiginnaassavarsi.

Eqimattani

Suliassat pingajuanni titartarsimasasi aallaavigalugit maanna uumasumik piginnaanilissuarmik pilersitsissaasi.

Scratchimi BBC micro:bitimiluunniit uumasuutersi kodinngussavarsi. Uumasuutissinnut kodinik pioreersunik ujarlerniarussi Scratch imaluunniit BBC micro:bit iserfigissavasi.

Scratchimi kodinik qinerlerfissiaq isiginnaagassiallu ilitsersuutit UANIIPPUT.

Eqimattani

Unammisitsinermut peqataasinnaaniassagassi uumasuutersi pillugu saqqummiussassamik suliaqassaasi.

Saqqummiussassassinni uku tunngavigisinnaavasi:

• Uumasoq piginnaanilissuaq atsersiuk
• Uumasuutersi assilisiuk
• Skiima UANI immersorsiuk
• Uumasoq pillugu isiginnaagassiaaqqamik suliaqaritsi uumasorlu susinnaanersoq takutillugu.

Uumasuutissi unammisitsinermut nassiunnissaanut ilinniartitsisussi ikiorsinnaavaasi, aamma ataani paasissutissanik amerlanerusunik atuagassaqarpoq.

Ilinniartitsisumut paasissutissat

• ultra:bit LIVE 5., 6. aamma 7. klassinut ilinniartitsinermut ultra:bitimut peqataasunut neqeroorutaavoq akeqanngitsoq.
• ultra:bit LIVE DR Skolep YouTube-kanaliatigut toqqaannartumik aallakaatinneqassaaq.
• Oktobarip ulluisa aallaqqaataanni nal. 8:30 aallakaatitsisoqarnissaanut klassi peqataatinniarlugu kingusinnerpaamik 14. september 2020 nalunaarutigissavat.
• ultra:bit LIVE minutsit 45-t missiliorlugit sivisussuseqassaaq.
• ultra:bit LIVE-imi atuartitsisoqarnissaanut atortussat UANIIPPUT.
• ultra:bit LIVE sioqqullugu suliassat klassinit naammassereerneqarsimanissaat naatsorsuutigineqarpoq.
• Lektionit arfineq-pingasut peqataanissaq sioqqullugu suliaqarfiusinnaapput – sivikinnerusumilli piareersartitsinissaq periarfissaavoq.

Kalaallit Nunaanni ultrabit LIVE unammineq pissaaq
1. oktober 2020 nal. 8:30 - 9:30

Imaaliorlutit klassi peqataasussanngortissavat

Klassi peqataanissaanut qallunaatut uunga allallutit nalunaarutigiuk ultrabitlive@dr.dk. Allakkami paasissutissat tulliuttut ilanngukkigit:

• Klassi Kalaallit Nunaanniit unamminissamut peqataatikkusullugu pisussamut 1. oktober 2020 nal. 12:3
• Illit atit
• Mailit
• Telefonnormut (+299 XX XX XX)
• Atuarfiup aqqa
• Klassip aqqa
• Klassimi atuartut amerlassusaat
• Illoqarfik
• Ilanngussassaqaruit allanik

Malugiuk: Klassit arlallit nalunaarutigisinnaavatit, kisianni taamaaliussaguit ataasiakkaaginnarlugit nalunaarutigisassavatit.

Imaaliorlutit uumasoq piginnaanilissuaq nassiuguk.

Klassit ultra:bit LIVE-mut peqataaniartut tamarmik uumasuliaminnik unammisitsinermut nassiussinissartik eqqaamassavaat. Nassiussineq kingusinnerpaamik pissaaq ulloq 28. September 2020. Taamaalillutik atuaqatigiit unammisitsinermut ultra:bit LIVE-mi kikkut ajugaanerannik aalajangiiffiusussamut peqataasussanngussapput.

Unammisitsinermut atatillugu skiima immersugassaq uumasup piginnaanillip allaatiginninneqarnera tunniunneqassaaq. Skiima UANIIPPOQ.

Uumasup assinga tunniussiuk imaluunniit Scratchimi suliassi computerikkut saqqumisup assinga.
Uumasuutissi qanoq iliorsinnaaneranik isiginnaagassiaaqqamik tunniussisinnaavusi.

Filit ultra:bitip Dropboxianut ikkunneqassapput, kingusinnerpaamik ulloq 28. September 2020.

Nalornissuteqarpit? ultrabitlive@dr.dk-mut imaluunniit 2854 8957-imut sianerlusi attavigitigut.

Ultra:bit LIVE DR-imit ineriartortinneqarpoq, CFU Astralu suleqatigalugit saqqummiunneqarpoq kiisalu Industriens Fondimit aningaasaliiffigineqarluni.
ultra:bit LIVE 2020-imi takunissassinnut qilanaarpugut.

Suliassaq

Sofie Østergaard aqutsisoralugu ultra:bit LIVE-p aallakaatinneqarnissaanut peqataanissarsi sioqqullugu BBC micro:bitiutisi piareersareersimassavasi. Sofiemmi ultra:bit LIVE-p aallakaatinneqarnerata nalaani naammassisassassinnik suliassaqartikkumaarpaasi. Suliaqarnissinni BBC micro:bitiutisi atortussaavasi.

Imaaliussaasi
Klassissinni BBC micro:bitit atorneqarsinnaasut tamaasa nanisigit. Atuartut tamarmik pissaqanngippata suleqatigiiaassaasi. ultra:bit LIVE sioqqullugu suleqatigiilioriissaasi, taamaalillusi suliaqarnissassinnut piareersimariissagassi.

BBC micro:bitissinnut kodit ikkutereersigit.

Kodinut iserniaruit linkimut uunga isissaatit.

Linkimut iserussi qulaani ’redigér’-mik allassimasoq tuussallugu eqqaamassavarsi. Taamaalilluni kode piareerpoq, BBC micro:bitiutissinnullu ikkussinnaalerparsi.

Taava maanna piareerpusi! Maannalu ultra:bit LIVE-mut peqataanissinni Sofiep qanoq peqqusinissaa utaqqiinnartussanngorparsi.

Atortussap originalia DR Skolep suliaraa. UANI ingerlanissaa tamakkiisumik takuneqarsinnaavoq.