3. klassimi 7. klassimilu atuartut tamarmik alloriarfinnut ingerlaqqinnialeraangamik misilitsittarput. Atuartup piginnaasaanik suliassanillu paasisimasaqarnermini ineriartorneranik nalilersuinissaq alloriarfinni misilitsitsisarnermi siunertarineqartarpoq, taamaalillutik ilinniartitsisut meeqqap atuarnermini ingerlariaqqinnissaanut pilersaarusiorsinnaalersarlutillu piareersaasinnaalersarput.