Misilitsinnerit inerneri pillugu

Misilitsinerup kinguninnguani atuartitsissutini ilinniartitsisut atuartut akissutaat kukkunersiussavaat. Inernernik nalunaarsuutit kukkunersiuinermilu allattufifissaq digitaliusoq – Naatsorsuut/Retteark - atuarfiup tunniutissavai, ilinniartitsisunut ilitsersuut ilanngullugu.

Misilitsinnerit inerneri misissoreerlugit atuartitsissutini ilinniartitsitsut piaarnerpaamik atuartut angajoqqaallu atuartup misilitsinnermi angusai nalinginnaasumillu naammassisai pillugit nalunaaruteqassapput. Atuartup misilitsinnermi angusai aamma ulluinnarni atuartitaanera pillugu paasissutissat, naliliinermi sakkussiaq Angusakka kiisalu atuartup nammineq suliarisimasai, ataatsimut naliliinermut ilanngunneqassapput atuartup atuarfimmi ingerlaqqinnissaanut pilersaarusiornissamut atugassatut.

Atuartitsissutini ilinniartitsisut atuartut ataasiakkaat angusaat misissoreepasigit, atuarfiup misilitsissutit tamaasa – akisimasat akineqanngitsullu – aammalu inernernik allattuiffiit Ilinniartitaanermut Aqutsisoqarfimmut nassiutissavai. Misilitsissutit Ilinniartitaanermut Aqutsisoqarfimmeeriissapput kingusinnerpaamik majip 1-at – Ukiumut pilersaarut naapertorlugu.