Microbit pillugu

Microbit Tuluit Nunaanni BBC-mit ineriartortitaavoq, maannalu ilutsimisut 2016-imi iluseqalersimavoq.

Microbit qarasaasiaaraavoq saamigut 25-nik kodinut qisuariartartunik LED-usunik qulliaraqartoq. Kodit blokkinit (kipparissuusanit) paletimit (kodinut toqqartuiffimmit) toqqagassaasunit katitigaasarput. Skærmip qeqqaniittarpoq paleti (kodinut toqqartuiffik), talerpiup tungaani kodit katiterneqartarput saamiullu tungaani ikittaartunngorlugit takusassiarineqartarlutik. 

Kode microbitip nittartagaani makecode.microbit.org-imi imaluunniit microbitip app-iata tabletimut ikkutereerneratigut suliarineqarsinnaavoq.

2019-imi DR Skole-p suliniutaani ultra:bitimi FN-ip nunarsuarmi anguniagai pingaartumillu silap pissusia avatangiisillu pingaartinneqarput, aamma soorunami qarasaasiaaqqat avatangiisinik mingutsitsinnginnissaat pingaartorujussuuvoq.

Taamaattumik BBC microbitiutivit sivisunerusumik pigisinnaanissaanut aamma atorneqarsinnaajunnaarpat qanoq iliornissannut DR Skole ilitsersuusiornikuuvoq.

Qarasaasiaaraativit piusinnaanera sivitsoruk

1. BBC microbitiutit eqqortumik paariuk. Puussiaq siilvimik qalipaatilik innaallagissamut illersuutaasoq ilaavoq. Puussiap BBC micro:bitiutit innaallagissamut atortorissaarummik ajoqusiisinnaasumut illersussavaa. Aamma qarasaasiaaraativit karsimi manngersumiittarnissaa isumassarsiatsialaasinnaavoq, taamaalillunimi atuakkanit nammattakkanniittunit innarlerneqassanngilaq. BBC microbitiutinnut papkassimik manngersumik pissarseriaruit tassunga toqqortarsinnaavat.
2. BBC microbit imermut illersussavat. Teknologiit allarpassuit assigalugit qarasaasiaaqqap imeq akiorsinnaanngilaa, taamaattumik isugutasuni atortassanngilat.
3. Atunngikkallartussanngoraangakku qarasaasiaaqqamit batteriit peertassavatit. Taamaaliortaruit batteriit akulikitsumik taarsertassanngilatit, aamma qarasaasiaaraatit ajorsiartupallassanngilaq.
4. Batteriisivik BBC microbitimit peerniaraangakku innaallagissamut ikkuffia tamatigut peeqqaartaruk. Innaallagissamut ikkuffia peerniaraangakku ledningitaatigut nusuttassanngilat.
5. Atortorissaarutinut qarasaasiaaqqamut atorneqarsinnaasutut akuerisaasunuinnaq BBC microbitiutit attavilertassavat.
6. Aamma batteriit immeqqittartut atorsinnaalluarpatit. Qarasaasiaaraq 1,8V-imit sakkukinnerusumik 3,6V-imillu sakkortunerusumik innaallagialersorneqarsinnaanngitsoq nalunngiinnassavat.

BBC microbitimik isumannaannerusumik atuineq pillugu UANI aamma atuagassiaaqqami qarasaasiaaqqamut ilanngullugu tunniunneqartumi atuarsinnaavutit.

UANI  microbit ipadimut atassusilernissaanut videu ilitsersuut takusinnaavat.

Ilumut qulakkeeqqaviuk BBC microbitiutit aaqqeqqinneqarsinnaanngitsoq?

BBC microbitiutit ajortivissimasutut nalilertinnagu uku misissukkit. Assigiinngitsunik tallimanik misissorsinnaasaqarputit.

• Soqutaanngitsuusaaraluarpoq, kisianni batteriit misissukkit. Innaallagiaarussimappat? Imaluunniit kukkusumik sammivilerlugit ikkunneqarsimappat? Aamma batteriisivia ajorsinnaammat taarsersinnaavat.
• USB-mut ikkuffia misissoruk. Immaqa akornutaasoq qarasaasiaaqqamiinnani tassaniissinnaavoq. USB-kabeli alla misiliguk, imaluunniit qarasaasiami USB-mut ikkuffiit allat misilikkit.
• MakeCodemit kode atorsinnaasutut qulakkeersimasat aajuk. Tassaasinnaavoq kode atip allagartaa (navneskilt). Taamaaliorlutimmi qulakkiissavat programmi ajunngikkaluartoq kodeliat ajorsimasoq.
• Qarasaasiaaraq atortorissaarutinut allanut atassuseruk. Imaassinnaavormi Chromebookimi ajoraluarluni qarasaasiami PC-mi ajoquteqanngitsoq. Taamaassimassappat siunnersuut tulleq maliguk.
• Imaassinnaavoq BBC microbitiutinni firmware nutartigassaasoq. Firmwarep qarasaasiaaqqat eqqortumik sulisittarpaa. Firmware pillugu paasisaqarnerorusukkuit aamma qanoq ikkunneqartarnersoq paaserusukkukku UANI atuarsinnaavutit.
• Suli microbit ajorpat taava fiilit tulliuttut aassavatit: fil1 aamma fil2. Fiilit aareerukkit microbit maitenance-modemut pitissavat fil1-lu siulliullugu microbitimut nuullugu USB-kabelieq atorlugu. Tulliullugu fil2 nuutsissavat. Uani videu ajoqersuut takusinnaavat. 

Qarasaasiaaqqat atorneqarsinnaajunnaarpat isumannaatsumik iginnissaa pingaaruteqarpoq.

BBC microbiti pillugu atuagassiaaqqami eqqaavik krydsimik nalunaaqutserneqarsimasoq ersippoq. Taanna isumaqarpoq qarasaasiaaraq elektronikkiugami eqqakkatut nalinginnaasutut iginneqarsinnaanngitsoq.

Najugaqarfinni eqqakkat elektroniskiusut qanoq iliorneqartarnersut atuarsinnaavat.

Aamma batteriinut taamaaliussaatit. Eqqagassaappummi navianartut saffiugassanik oqimaatsunik kemikalianillu avatangiisinik akornusiisinnaasunik akullit.

Kommunimiit kommunimut allangorartuuvoq, tassa illit innuttaasutut avatangiisinut navianartunik qanoq igitsisinnaanerit. Sumiiffiit ilaanni avatangiisinut navianartut Avatangiisinut navianartunut Tigooraavinnut tunniunneqarsinnaasarput. Allanilu avatangiisinut navianartut kommunimi sulisut aasarpaat.
Taamaakkaluarli tamani atuuttoq unaavoq, avatangiisinut navianartut kikkunnit tamanit tikinneqarsinnaasumiitinnginnissaat, soorlu meeqqanik tigusiffigineqarsinnaasuni.

Avannaata kommunia
Kommune Qeqertalik
Qeqqata Kommunia
Kommuneqarfik Sermersooq
Kommune Kujalleq