Webinar
Webinarertitsisuussapput Ilinniartitaanermut aqutsisoqarfimi sulisut pikkorilluinnartut, ilisimasaminnik apuussaqarusuttut. Ilinniartitaanermut aqutsisoqarfik sorpassuarnik suliaqartuuvoq suliallu atuisunut apuukkusuttarppaat. Taamaammat paasissutissanik nutaanik ulluinnarni iluaqutaasinnaasunik pissarsinissat ilimagissavat.
Uani quppernitsinni ukiup ingerlanerani nutaanik webnarinik neqerooruteqartarumaarpugut.
Ataani webinarit ingerlanneqartussat takusinnaavatit. Ilinniartitaanermut aqutsisoqarfimmit neriuutigaarput webinarigut soqutigineqarluassasut pissarsiffigineqarluassasullu!
Sullinniakkat: 1. klassinit 10. klassinut ilinniartitsisut tamarmik
Aggustip 1-at 2022 aallarnerfigalugu Ilinniartitaanermut Aqutsisoqarfiup atuartitsinermi atortussanik atorniartitsisarnermut systemi nutaaq MitCFU.gl atulerpaa. MitCFU.gl-imi ujarlernermi killiliisoqarsinnaavoq (aalajangersimanerulersitsisoqarsinnaavoq) atorniarniartumut ikiuutaasumik.
Webinarimi tassani MitCFU.gl-imi ujarlernermi killiliussissutit saqqummiunneqassapput, peqataasussallu taakkuninnga atuinermik sungiusartinneqassallutik.
Oqaatsit atorneqartussat: Kalaallisut
Ulloq: 7. juni 2023 nal. 13.45-14:30
Sullinniakkat: Angajullerni matematikkimi pinngortitalerinermilu ilinniartitsisut aamma atuarfiit pisortaat pisortaasalu tullersortaat
Webinarimi matematikki pinngortitalerinerlu pillugit atuarfinnut siunnersortit matematikkimi pinngortitalerinermilu fagini inaarutaasumik misilitsinnerni misilitsissutitut pisassiissutissat eqqortumik immersorneqarlutillu oqaasertalersorneqarsimanissaat pillugu saqqummiussaqassapput.
Imarisassaat: Inatsisit, nalunaarutit piumasaqaatillu sammineqassapput. Nittartakkakkut isumasioqatigiissitsinissaq programmip TEA-p atorneqarnissaanut tunngassuteqanngilaq.
Oqaatsit atorneqartussat: Kalaallisut/Qallunaatut
Malugiuk: Pisamut ataatsimut nalunaarfissat assigiinngitsut marluummata.
Ulloq: 31.august 2023 kl.14:00-15:15 aamma
Ulloq: 5. september 2023 kl 14.00-15.15
Sullinniakkat: Angajullerni oqaatsinik ilinniartitsisut aamma atuarfiit pisortaat pisortaasalu tullersortaat
Qallunaatut tuluttullu atuartitsineq pillugu atuarfinnut siunnersortit oqaatsinik ilinniartitsinerni inaarutaasumik misilitsinnerni misilitsissutissatut pisassiissutit eqqortumik immersorneqarlutillu oqaasertalersorneqarsimanissaat pillugu saqqummiussoqassaaq.
Imarisassaat: Inatsisit, nalunaarutit piumasaqaatillu sammineqassapput.
Webinarimi programmip TEA-p atorneqarnissaanut tunngassuteqanngilaq.
Oqaatsit atorneqartussat: Qallunaatut
Malugiuk: Pisamut ataatsimut nalunaarfissat assigiinngitsut marluummata
Ulloq: : 29.august 2023 kl.14:00-15:15 aamma
Ulloq: 7. september 2023 kl 14.00-15.15
Sullinniakkat: 1. klassinit 3. klassinut kalaallisut ilinniartitsisut
Webinarimi Ilinniusiorfik ilinniutit ataqatigiissunngorlugit aaqqissuussat ”Tumi”-nik taaguutillit nukarlerni kalaallisut atuartitsinermut atugassaasut pillugit saqqummiussissaaq.
Ilinniutit ataqatigiissunngorlugit aaqqissuusat tunuliaqutaat pillugu nukarlernilu kalaallisut atuartitsinissamut siunnersuutinik tusagaqarit.
Oqaatsit: Kalaallisut
Ulloq: Aggustip 9-at 2023 nal. 13:45-15:30
Sullinniakkat: 8. klassinit 10. klassinut ilinniartitsisut siunnersuisartut
Webinarimi pingaarnertut 8. klassinit 10. klassinut ilinniartitsisunut atuartunut angajullernut siunnersuinermik suliaqartunut tunngatinneqarpoq. Ilinniartitsisunit siunnersuisartunit, ilinniartunut siunnersortinit Danmarkimi Kalaallit Illuanneersunit kiisalu Ilinniartitaanermut Aqutsisoqarfiup efterskolit pillugit aqutsisoqarfianeersut saqqummiinerisigut sivisunngitsukkuutaartutigut ilinniartitsisut siunnersuisartut efterskolerneq pillugu siunnersuinermut paasissutissanik nutaanik pissarsisinnaapput.
Saqqummiussinerni pingaarnertut sammineqassapput atuartunik angajoqqaanillu efterskolerneq pillugu siunnersuinermut ilanngunneqartussat pingaarutillit. Aamma Danmarkimi efterskolerneq pillugu siunnersuinermi aporfiusartut, unammilligassat, ilanngullugit eqqartorneqarumaarput.
Oqaatsit: Qallunaatut
Ulloq: Novembarip 9-at 2023 nal. 13:45-15.30