Nalunaarit: Webinarit
Ilinniartitaanermut Aqutsisoqarfiup webinarinik neqeroorutai ataani takukkit – webinarimi takuss… ;-)
Sullinniakkat: Nukarlerni matematikkimi ilinniartitsisut
Ilinniusiorfik atuarfinnullu siunnersorteqarfik ilinniusiat nutaat IsumMAT+ pillugit 18.oktober 2023 nal.13:45 – 15:15 webinar ingerlatissavaat.
Saqqummiinermi tassani ilinniusiat ilisaritinneqassapput; ilinniusiat suliarineranni eqqarsaatersuutit suut tunuliaqutaanersut, ilinniusiat ukioqatigiikkuutaanut ataasiakkaanut qanoq aaqqissugaanersut, kapitalini ataasiakkaani killiffiit aqqusaagassat suunersut kiisalu atuakkat saniatigut suliassat atuakkamut atasut.
Saqqummiineq kalaallisut ingerlanneqassaaq seqersittakkalli qallunaatuujussapput.
Oqaatsit atorneqartussat: Kalaallisut/Qallunaatut
Ulloq: 18.oktober 2023 nal. 13:45 – 15.15
Nalunaarfissaq kingulleq: 17.oktober 2023
Sullinniakkat: 8. klassinit 10. klassinut ilinniartitsisut siunnersuisartut
Webinarimi pingaarnertut 8. klassinit 10. klassinut ilinniartitsisunut atuartunut angajullernut siunnersuinermik suliaqartunut tunngatinneqarpoq. Ilinniartitsisunit siunnersuisartunit, ilinniartunut siunnersortinit Danmarkimi Kalaallit Illuanneersunit kiisalu Ilinniartitaanermut Aqutsisoqarfiup efterskolit pillugit aqutsisoqarfianeersut saqqummiinerisigut sivisunngitsukkuutaartutigut ilinniartitsisut siunnersuisartut efterskolerneq pillugu siunnersuinermut paasissutissanik nutaanik pissarsisinnaapput.
Saqqummiussinerni pingaarnertut sammineqassapput atuartunik angajoqqaanillu efterskolerneq pillugu siunnersuinermut ilanngunneqartussat pingaarutillit. Aamma Danmarkimi efterskolerneq pillugu siunnersuinermi aporfiusartut, unammilligassat, ilanngullugit eqqartorneqarumaarput.
Oqaatsit: Qallunaatut
Ulloq: Novembarip 9-at 2023 nal. 13:45-15.30