GUX-imi ilinniagassanut pilersaarutit tamarmik ukiumi atuarfiusussami 2017/18-imi GUX-imik 2022-mut misissuinermut ilaatinneqarput.
Ilinniagassanut pilersaarutit misissukkat "2018 ilinniagassanut pilersaarut"-mik taaneqarput, ukiumilu atuarfiusussami 2018/19-imiit aallartittumik misiligutitut atorneqalissallutik.
Holdit 2018-imi aggustimi kingusinnerusukkulluunniit aallartittut "2018 ilinniagassanut pilersaarut" malissavaat. Holdinik nammineq toqqaasussanik peqartussaammat malugeqquneqarpoq, taakkunanilu qaffasissutsit ingerlaqqiffittut isigineqassapput. Assersuut: Illit holdit 2012-imi ilinniagassanut pilersaarummi C-imik malitaqarsimapput, holdillu ilaa massakkut C-miit B-mut ingerlariaqqinniarlutik toqqagassaqarpoq. Holdilu taanna 2012-imi ilinniagassanut pilersaarummik malinnittussaavoq, tassami C-miinneq B-miinnermut ilaaginnarmat.
Holdit 2018 aggusti sioqqullugu aallartittut "2012 ilinniagassanut pilersaarummik" malinnissapput.
Ilinniagassanut pilersaarutit sorliit atornissaannut nalornisoqassappat Naalakkersuisoqarfimmut GUX lreplaner 2018 vs 2012kabu@nanoq.gl. aqqutigalugu saaffiginnittoqassaaq.
Malugeqqusaq: piffissami misileraaffiusumi ilinniartitsisut ataasiakkaat ilinniartitsinissamut nassuiaammini holdit ataasiakkaat ilinniagassanut pilersaarummik sorlermik atuisimanerat allassavaa.
GUX 2018-imi ilinniagassanut pilersaarutit tamarmiusut (zip fil)
2012-imut ilinniagassanut pilersaarut malillugu BUX 2018-imi ilinniagassanut pilersaarutit tamarmik allannguutitallit (zip fil)
Piffissami misileraaffiusumi ilinniagassanut pilersaarutit pillugit nalunaarut kiisalu ilinniartitsissutinut ilitsersuutit misissorneqassapput. Ilinniagassanut pilersaarutit pillugit nalunaarutip nutaap tassungalu ilanngussat inaarutaasumik akuersissutigineqartut kingusinnerpaamik aggusti 2020-mi pigineqalernissaat naatsorsuutaavoq.