Kalaallisut aamma Dansk i Grønland 1-5

Titel/qulequtaq: Kalaallisut aamma Dansk i Grønland 2
Fag/fagi: Kalaallisut aamma dansk 
Format: Trykt bog samt pdf
Link: Kalaallisut aamma Dansk i Grønland 2 
Forfattere/atuakkiortut: Jan Bæk, Eva Møller Thomassen
ISBN: 978-87-93181-16-8

Beskrivelse
Naqitanik katersaq manna immikkoortulersugaavoq, immikkoortullu tamarmik suleqatigiilluni atuartitsinissamut sinaakkusiisuupput. Immikkoortuni ataasiakkaani naqitat, kalaallisut danskimilu atuartitsinermi sammisassani ataatsimoorussani qitiusunut aqqutissiuipput. Atuartut naqitalerinermik piginnaasaasa atuakkiaateqarnerullu oqaluttuassartaanik ilisimasaqarnerisa nukittorsarnissaat siunertaavoq. Aammattaaq kulturit arlariit akornanni naqitanik atuarnissamut kaammattuivoq, kalaallisut danskisullu naqitat imminnut akioriitsittutullusooq itsinneqarmata. Immikkoortut tamarmik sammisanut tulluartunik taaguutinik nassuiaatinillu aallaqqaaserneqartassapput, naqitalerinermi assinillu isumasiuinermi atorsinnaasunik. 

Titel/qulequtaq: Kalaallisut aamma Dansk i Grønland 3
Fag/fagi: Kalaallisut aamma dansk 
Format: Trykt bog samt pdf
Link: Kalaallisut aamma Dansk i Grønland 3
Forfattere/atuakkiortut: Jan Bæk, Eva Møller Thomassen
ISBN: 978-87-93181-10-6

Beskrivelse
Atuakkami matumani piviusut takorluukkallu imminnut ataqatigiinnerat qitiutillugit sammineqarput. Suussutsit ilai inunnik pisimasuvinnillu aallaaveqartut sammineqarput, aammali oqaatsitigut, atuakkiaateqarnikkut filmitigullu sunniiniutinik takorluukkianeersunik atuipput. Piviusutut allatat misissoqqissaarlugit paasinarpoq aaqqissuussaasut, piviusumik takutitsiniarnermi isummersornertaqartarlutik. Atuartitsinermi allaaserisat piviusut takorluukkiallu misissoqqissaarnissaannut sakkussaasinnaasut takutinneqarput. Atuakkap immikkoortui immikkuutitaarlugit atorneqarsinnaapput. Immikkoortut atuartunut sungiusaatitut suliassartaqarput, taamaalilluni atuartut sakkussat saqqummiunneqartut atornissaannut sungiusarsinnaallugit. Neriuutigaarput atuakkap imarisaata atuartut piviusuunerakkat tunuaniittuisa misissornissaannut kajungilersillugillu piginnaasaat qaffassarsinnaagaat. Atuakkap matuma imarisaa kalaallisut qallunaatullu suleqatigiilluni atuartitsinermi 2.G-mi 3.G-milu atugassatut suliaavoq.

Qulequtaq: Kalaallisut aamma Dansk i Grønland 1-5

Atuartitsissutit kalaallit danskisullu imminnut ataqatigiinnerinnik atortussianik nutaanik imaqarluartunillu ujartuivit?

Naqitanik katersatut atortussiaq manna suleqatigiilluni atuartitsinermi 2.G-nut 3.G-nullu tulluarsagaavoq. Atortussiaq sammisakkaanik immikkoortoqarpoq, tassanilu sammisat atuakkiaatinit qanganisaanerusuneersunit nutaanerusuneeresunillu imaqarput. Najoqqutat sammisani pingasuusuni asanninnermik, kinaassutsimik, oqaatsinik avataaniittutulluunniit misigisimanermik imaqartut nalitsinni nunatsinni inuusuttunut soqutiginartuupput.

Sammisat tamarmik pingaarnertut paasiniagassanik taaguutinillu ilinniartut atortussiamik suliaqarnerminni atorsinnaasaannik imaqarput. Siunertaraarput ilinniartut qitiutitaqarlutik najoqqutanik atuarnissaat sammisanullu itisiilinnissaat.

Atortussiaq ammasuuvoq, immikkoortullu tulleriissinngikkaluarlugit atorneqarsinnaapput. Atortussiartaaq allannermut tunngasunik sungiusaatitaqarpoq, tassuunakkullu ilinniartut allassinnaanerat pitsanngorsaqqinneqarsinnaavoq.

Neriuppugut atortussiap matuma kalaallisut danskisullu suleqatigiilluni atuartitsinerup qanoq imaqartinneqarsinnaaneranut isumassarsissutaasinnaasoq.

Link: Kalaallisut aamma Dansk i Grønland 1-5