Anguniakkat atuartullu kajumissusiat
Sammisanut tunngatillugu inuiaqatigiilerinermik ilisarititsinissami (politik, inuiaqatigiit piorsagaanerannik aningaasaqarnermillu) maannakkut sammineqartorujussuup ilisaritinneqarnissaa siunertaavoq - aatsitassat. Atuartut alaatsinaattuupput aamma sukkasuumik maannakkut sammisanik ilisimasarpassuaqarlutik tulluusimaarutigaaat. Atuartut eqqumaffiginnitsinniarlugit aamma ilikkagassat assigiinngitsut eqqorumallugit nal. ak. atuartitsiffiusut immikkuualuttortarpassuaqarput. Atortussat akuleriaartorujussuupput - oqaaseqatigiiunerusut aammali videonit tigulaakkat asserpaaluillu, tamakku atuartut pissutsinik paasiuminaatsunik eqqaamanninnissaannut iluaqutaasarput.

Naatsorsuutigineqartut:
Atuartut piumasaqaatigineqarnissaat piumasaqaataanngilaq. Ingerlaatsip inuiaqatigiilerinermik C-mik ilisarititsissutissatut eqqarsaataavoq, naak taanna qaffasinnerujussuugaluartoq
Oqaatsit pillugit piumasaqaatit: sapinngisamik danskisut kalaallisullu allatanik tunniussisoqassaaq imaluunniit danskisut allatani oqaatsinnut sulinerni atortunut allattuiffimmik suliarinnittoqassaaq. Atuartut oqaatsinik sulinermut atortunik pigisaasa ersarissuunissaat aamma pitsaasuunissaat aamma ingerlaatsip aallartinnerani oqaatsinik sulinermi atorneqartartunik ilallugit tunniunneqassapput (ilanngussaq 11A), taamaalillutik atuartut oqaatsinik ujaasisinnaajuarlutik tamakkulu atornissaat eqqaamallugit.
Ilikkagassanik akuersaarneq
Inuiaqatigiilerinermi atuartitsissutini pingaarnernit pingasuusunit apeqqutit atuartitsinermi / ingerlaatsimi pingaarnertut suliarineqartussat:
Aatsitassat pillugit qanoq aalajangiisoqartarpa (politik – oqariartaaseq pingaarneq: Easton, toqqaannartumik/sinniisuusunit kikkut tamarmik oqartussaaqataanerat- peqataanermut unammillernermullu kikkut tamat oqartussaaqataanerat)
Kinamiut sulisartut 5.000-it tikissappata/tikippata qanoq ingerlasoqarnissaa eqqarsaatigineqarsinnaava (inuiaqatigiilerineq – oqariartaatsit pingaarnerit: akuliutitsineq/naleqqussarneq /inuiaqatigiit agguataarneqarnerat)
Aatsitassanit isertitat qanoq pitsaasumik atorneqarsinnaappat – aamma ajortumik (aningaasaqarneq – oqariartaatsit pingaarnerit: aningaasatigut, piorsaanermut, avatangiisinut aamma pisuussutinik perloqqusineq)

Ilikkagassatut anguniakkat amerlanersaat ingerlatsimi matussuserneqassapput:
Ilinniartut:
a) inuiaqatigiilerinermi, aningaasaqarnermi aama politologimi tunngaviusumik ilisimasanik maannakkut Kalaallit Nunaanni ajornartorsiutinik tamakkuninngalu aaqqiissutissanik nassuiaanissamut atuinissat,
b) tunuliaqutaasut aamma assigiinngiiaartut aamma inuttut kulturikkullu ilutsit attuumassuteqarnerannik misissuinerit,
c) politikikkut aalajangeeriaatsit tigussaasut misissorlugit,
d) Kalaallit Nunaanni inuiaaqatigiinni atugarissaartuni ajornartorsiutinik pineqartumik pingaarnersiuinernik misissuinerit,
f) inuiaqatigiinnut tunngasunik apeqqusiornerit,
g) suliatigut ataqatigiinnerit paasiuminartut uppernarsarneqarnissaannut paasissutissarsiornerit, tamakkuninnga atuinerit isornartorsiuinerillu,
h) modellini, tabellini diagramminilu paasiuminartuni suliatigut ataqatigiinnernik siammarterilluni,
i) sulinerni oqaatsit atorlugit suliatigut ataqatigiinnerit pillugit ilisimasat siammarterlugit,
j) sulinermi aaqqiissutissat qaffasissusissaannik immikkoortiteraluni siammarterinerit misissueqqissaarinerillu,
k) suliat pillugit oqaloqatigiinnernut peqataanerit aamma suliatigut ajornartorsiutinik oqaluuserinninnerit aamma
l) suliat pillugit tunngavilersuutit pillugit nammineq isummat tunngavilersorlugit.

Ilanngutinngitsuukkat/piikkat: atuartitsinissanik pilersaarummi matumani naalagaaffeqatigiinneq, suliniutit angisuut pillugit oqallinnerit, uran il.il. ilanngunneqanngillat, (ilanngunneqaraluarpata ilikkagassatut pilersaarutit e-t [atuartut piginnaasariaqagaat] Kalaallit Nunaanni nunarsuarmilu politikikkut iliuusiusinnaasut aamma sammisat pingaarnerit c-it pingaarutaannik pineqartunik Kalaallit Nunaanni Danmarkimilu politikikkut aalajangernerit assersuusiorlugit.
Immikkuualuttorpassuit pigitillugit ilinniartitsisup ilaartoqqissinnaavai allallu piiarlugit aamma taamaalilluni ingerlaaseq nammineq kissaatigisatik malillugit naleqqussarsinnaavaat qalipaasersorlugillu.
Assigiinngitsunik suliallit suleqatigiinnissaannut isumassarsiat
Sammisaq 2. g-mi assigiinngitsunik suliallit suliassaannut naleqquppoq, assersuutigalugu inuiaqatigiilerinermi/oqaluttuarisaanermi, inuiaqatigiilerinermi/uumaatsulerinermi
Semesterimi inissisimaneq
Ingerlaatsip ukiup atuarfiusup aallartinneraniissasoq eqqarsaatigineqarpoq. Aatsitassanik sammisaqarnermi inaarutaasumik misilitsinnginnermi naggasiinissaq/utertaarinissaq aamma ajunngilaq, tassami apeqqutinut inaarutaasumik misilitsinnermi apeqqutinut ilaatinneqanngitsunut pingajuattut oqaluuserisassatut/periarfissiisutut oqaluuserinninnissamut piukkunnartuummat. Taamatut atuartitsinermi / ingerlaatsimi atuartut Kalaallit Nunaata siunissaa pillugu apeqqutinik nalinginnaasumik suliatigut qaffasissunik akissuteqarsinnaasariaqarput.

Ilinniartitsinermut atortussiat
Atuartitsinernut atortut tassaapput atuartitsinissanut pilersaarut (atuartitsinissat sukumiisumik pilersaarusiorneqarnerat), atuartut mappii (tikilerput) (ilinniagassat, figurit, suliassat, misileraanerit, ilisarititsinerit aamma ilinniartitsisumut atortussat tunuliaqutaasut).
Malugiuk, filinut iserniaruit GUX-imi ilinniartitsisutut isissuteqassaatit.