Ilinniarnertuunngorniarfimmi ilinniartitsisut ulluinnaat
Ilinniarnertuunngorniarfimmi ilinniartitsisutut sulineq tamatigoortuuvoq namminersornarlunilu. Piffissaq sumut atussallugu illit aalajangersinnaavat. Soorunami malittassarnik skiimaqarputit, kisianni illit piumalleraangavit atuartitsinissavit piareersarnissaanut kiffaanngissuseqarputit. Sammisassaqartarumaarpoq, soorlu inaarutaasumik misilitsinnerit, paasisassarsiorluni angalanerit, suliat tikillugit suliffinnukarnerit imaluunniit isiginnaartitsinerit tamakku piffissap ilaani immikkut sammineqartariaqartarput. Uffa piffissani allani anersaartulaarnissamut periarfissaqarnerusartoq. Ukiumi atuarfiusoq piffissallu inaarutaasumik misilitsiffiusut malillugit sulisassaatit.
Ilinniarnertuunngorniarfimmi ilinniartitaaneq ingerlaavartumik ineriartortinneqarpoq aamma illit ineriartortitsinermut sunneeqataasinnaavutit.
GUX-imi atorfik unammillerneqartussaq aamma inuit allat peqatigalugit angusanik nutaanik pitsaanerusunillu pilersitsiffiusinnaasoq.
Ilinniartitaanernut atuartitsissutinullu sorliit tiguneqarnissamut aaliangiisuuppat
Ilinniarnertuunngorniarfimmi ilinniartitsisunngorniaraanni atuartitsissutit suut piumasaqaataappat?
Ilinniarnertuunngorniarfimmi ilinniartitsisunngorniaraanni ilisimatusarfimmit assigisaannilluunniit kanditatitut allagartaqassaatit ilinniarnertuunngorniarfimmi atuartitsissummik arlalinnilluunniit immikkut atuartitsinissannut ilinniagaqarsimassaatit. Kisianni ilisimatusarfiit assigiinngitsorpassuit ilinniarfiusinnaapput taamatut ilinnik piginnaasaqalersitsisut.
Kulturilerinermut Inuiaqatigiilerinermullu Ilisimatusarfimmit kandidatitut allagartaqassaatit, taamaalillutit oqaluttuarisaanermik kulturilerinermilluunniit atuartitsisinnaallutit imaluunniit Oqaatsinik, Atuakkialerinermik Tusagassiuutinillu ilinniagaqarsimassaatit, taamaalillutit kalaallisut atuartitsisinnaanngorlutit. Immaqa saniatigut oqaluttuarisaanermik ilinniagaqarsimavutit, taamaalillutit tamatumani aamma atuartitsisinnaallutit.
Inuiaqatigiilerinermit kandidatitut allagartaqaruit inuiaqatigiilerinermi atuartitsisarsinnaavutit aamma allanik ilinniagassarpassuaqarpoq tamakkiisumik tamakkiisuunngitsumilluunniit atuartitsinissannut piginnaasaqarfigineqarsinnaasunik. assersuutigalugu teknikimi, teknologimi, tassunga ilanngullugu paasissutissiisarnerni teknologimi, pinngortitalerinermi imaluunniit namminersorluni inuussutissarsiuteqarnermi aningasaqarnermi ilinniartitsisoorusukkuit taava ukiut sisamaat avillugu ingeniørinngorniat, niuernermik højskolersimaguit assigisaannilluunniit ilinniagaqarsimaguit, ukiuni marlunni inuussutissarsiutigalugu misilittakkat ilanngullugit, taava tamakkuninnga atuartitsisuusinnaavutit.
Ilinniarnertuunngorniarfimmi ilinniartitsisuunissamut tunngatillugu sunik ilinniagaqarsimanissaq nalornissutigigukku taava ilinniartunik siunnersorti imaluunniit ilinniarnertuunngorniarfimmi rektorit ilaat attaveqarfigissavat. Perorsaasunngorniarneq pillugu nalunaarummi (innersuussaq) atuartitsisuunissamut piumasaqaatit appasinnerpaat aamma atuarsinnaavatit.
Ilinniarnertuunngorniarfimmi aalajangersimasumik atorfinitsinneqassaguit suliatigut ilinniakkavit qaasigut perorsaanermik tamatigut ilinniagaqarsinnaanerit eqqaamajuk.
Ilinniarnertuunngorniarfimmi ilinniartitsisut akissaataat
Atuartitsinermi ilinniarneq
Ilinniarnertuunngorniarfimmi aalajangersimasumik ilinniartitsisunngoruit perorsaanermik ilinniartinneqassaatit, ulluinnarni atuartitsinermi ilinniarnermik taaneqartartumik (PG). Atuartitsinermi ilinniarneq ilinniakkannit suliatigut ingerlariaqqinneruvoq, tamatumani illit inuussutissarsiutigalugu atuartitsisuussaatit nammineq atuartitsininnik isumaginnittoq nalilersuisorlu. Tamatuma saniatigut suliffeqarfimmi sammisassanut allanut soqutiginartunut soorunami peqataasassaatit. Ilinniarnertuunngorniarfimmi suliat eqqarsaatigalugit assigiinngitsunik sulialinnut peqataassaatit aamma attuumassuteqarlutik atorfilippassuarnik suleqateqalissaatit.
Attaveqarnissamut paasissutissat:
Periarfissanik annertunerusumik paasisaqarfigerusuppit? Immaqa atuartitsissutigisartakkatit ilinniarnertuunngorniarfimmut naleqqunnersut pilugit? Taava atuarfimmi rektorit ilaat attaveqarfigiuk - aamma ilinniakkat suli naammassinngikkaluarukkuluunniit.
Ilinniarnertuunngorniarfiit inuusuttullu atorfissaqartippaatsit!
Atuarfinnut tunngasut annertunerusumik atuakkit aamma attaveqarnissanut paasissutissat uani takukkit:
www.gux-aasiaat.gl
Rektor Dorthie Siegstad: dorthie@gux-aasiaat.gl
www.kti.gl
Rektor Poul V.B. Jensen: poje@sanilin.gl
http://www.nuuk.gl
Rektor Hanne Larsen: hla@gu-nuuk.gl
http://www.cak.gl
Rektoriugallartoq Jonbert Davidsen: jd@cak.gl
Attaveqarnissamut paasissutissat:
Periarfissanik annertunerusumik paasisaqarfigerusuppit? Immaqa atuartitsissutigisartakkatit ilinniarnertuunngorniarfimmut naleqqunnersut pilugit? Taava atuarfimmi rektorit ilaat attaveqarfigiuk - aamma ilinniakkat suli naammassinngikkaluarukkuluunniit.
Ilinniarnertuunngorniarfiit inuusuttullu atorfissaqartippaatsit!
Atuarfinnut tunngasut annertunerusumik atuakkit aamma attaveqarnissanut paasissutissat uani takukkit:
www.gux-aasiaat.gl
Rektor Dorthie Siegstad: dorthie@gux-aasiaat.gl
www.kti.gl
Rektor Poul V.B. Jensen: poje@sanilin.gl
http://www.nuuk.gl
Rektor Hanne Larsen: hla@gu-nuuk.gl
http://www.cak.gl
Rektoriugallartoq Jonbert Davidsen: jd@cak.gl