airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Arnannguaq Christiansen

Fagimi siunnersorti: Arnannguaq Christiansen

Tuluit oqaasiinik, spaniamiut oqaasiinik, franskit oqaasiinik, tyskit oqaasiinik, oqaluttuarisaanermik aamma isumalioqqissaarnermik ilinniartitsinermi siunnersuisartut.

Arnannguaq Christiansen attavigineqarsinnaavoq:
Arnannguaq Christiansen
GUX Nuuk/Qeqqani Ilinniarnertuunngorniarfik
Postboks 1067
3900 Nuuk
Email: avc@gu-nuuk.gl

 

Arnannguamik ilisarititsineq:

Tuluit oqaasiinik cand.mag.-itut ilinniagaqarpunga saniatigut oqaluttuarisaaneq fageralugu, GUX-imilu Nuummi 2008-miilli atorfeqarlunga.  Maani tuluit oqaasiinik oqaluttuarisaanermilu  ilinniartitsisarpunga, timersornermut sammivimmi ataqatigiissaarisutut aamma inissisimavunga taassuma saniatigut suliffeqalernissamut ilitsersuisutut aamma ingerlatseqataallunga.  Ilikkagassatut pilersaarutit ilusilersorneranni peqataavunga aammattaaq 2012-imi ilinniarnertuunngorniarfinni iluarsartuusseqqinnermut atatillugu tuluit oqaasiinik ilinniartitsinissamut allaaserinninnermi peqataavunga.

 

Fagimi siunnersuisartut naliginnaasumik suliassarivaat:

Fagimi siunnersuisartut ilinniarfinni ataasiakkaani fagimut attuumassuteqartut attaveqaqatigisarpai fagimut ilinniartitseriaatsinullu tunngasunik siunnersuineq ilitsersuinerlu siunertaralugu. Fagimi siunnersuisartut fagip ineriartornera soraarummeernernilu angusaasartut malinnaaffigissavai aammattaaq fagip ineriartortinneqarnissaanut periarfissaasinnaasut eqqumaffigissallugit kiisalu fagimut attumassuteqartut Naalakkersuisoqarfimmut Danmarkimilu Ilinniartitsitaanermut Ministeeriaqarfimmut attaveqaataassalluni.

 

Arnannguup pingaarnertut tuluit oqaasiinut, oqaluttuarisaanermut isumalioqqisaarnermullu tunngasunut attaveqaataassaaq.

Nunap immikkoortuinut avitseqatigiinniarluta isumaqatigiissimavugut, Arnannguarlu Qaqortumukassalluni.