airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Atuartumut sammisumik atuartitsineq

Atuartumut sammisumik atuartitsineq 

Tunuliaqut

Ilinniarnertuunngorniarnerup pilersinneratigut ilinniarnerup imarisaata aaqqissugaaneratalu ilinniartumik qitiutitsilluni ingerlannissaa eqqarsaataavoq. Taamaaliornikkut qulakkeerneqassaaq ilinniarneq annerusumik ilinniartumut inuiaqatigiinnullu tulluartuunissaa, taamaalillunilu atuarneq angusassallu ajunnginnerulersillugit. Taakkununngalu ilaavoq atuartitsineq ilinniartumik taassumalu atuartitsissutitigut, oqaatsitigut kulturikkullu ilisimasai aallaavigineqassasut. Suleqatigiissitanit inassutigineqartuni meeqqat inuusuttullu tusarnaartuuginnannginnerat nassuerutigalugu, kisiannili namminneq ilinniarnerminnut allallu ilinniarnerannut pilersitseqataanerat, aallaavigineqassaaq. Ilinniartoq taamaalilluni atuarnermut tunngatillugu nammineerluni peqataassaaq maligassiuisuullunilu. Ilisimatusarnikkut oqalugiarnerit aqqutigalugit ilinniakkanik pissarsisarnerit 5 %-iinnaasut paasineqareernikuuvoq, namminerli peqataanikkut ilinniarsimasat atoraanni pissarsiassat 90 %-iusimallutik.

Siunertaq

Atuartitsineq ilinniartup, taassumalu siusinnerusukut suliatigut, inuunikkut, inuttut kulturikkullu nukissarisimasai aallaavigalugit pilersaarusiorneqarlunilu ingerlanneqassaaq.

Anguniakkat

Atuartitsineq ilinniartup piumasaanik aallaaveqassaaq, ilinniartitsinissamullu pilersaarummi aallaaviusoq aallaaviusariaqarnani. Ilinniartoq nukissani atualernermini pigeriikkani aammalu misilittagareriikkani tunngavigalugit periarfissarisani atussallugit periarfissittariaqarpoq. Ilinniartoq aallaavigalugu ilinniagassanut pilersaarummi ilinniagassatigut anguniagassat anguniarlugit siuariarfiusinnaasut pilersaarusiorneqassapput. Ilinniartoq peqataatinneqassaaq, ilinniagassanullu, nammineq anguniakkanut aamma nalilersuinissamut tunngatillugu nammineerluni peqataassaaq. 

Kingullermik nutarterneqarpoq: 02. marts 2020