airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Kalaallit oqaasiinik aallaaveqarluni atuartitsineq

Kalaallit oqaasiinik aallaaveqarluni atuartitsineq 

Tunuliaqut: Ilinniartup ilikkagaqarnissaanut, ilisimasanik nutaanik atuinissaanut pilersitsisarnissaanullu isumaqarnerusumik periarfissamik pilersitsiniarnermi atuartitsinermi pissutsit inuiaqatigiilerinermut kulturimullu attuumassutillit sammineqartariaqarput. Ilinniartut nunarsuarmioqataanermut peqataanissaannut piginnaasanik periarfissanillu iluarnerpaanik tuniniarlugit ilinniartoq aallaavigalugu misissueqqissaarnerit aallaavigalugit ataqatigiilersitsinernik periarfissanillu pilersitsinissaq inassutigineqarpoq. Uani misissuinerit kalaallinik inuiaqatigiinnik peqataatitsisut kisimik pineqanngillat, kisiannili aamma sammisat ilinniartup assigiinngitsunik misilittagaaneersunik aallaavillit pineqarput, soorlu inuusuttut kulturiineersut aamma teknologiip tungaatigut siluarsuaanneersut, matumani sumiinneq apeqqutaatinnagu. Matumanilu pineqarpoq atuartitsineq paaseqatigiinnermik aallaavilik, ilaatigut aamma ilinniartut ilisarisimaqatigiilernissaat pilersinniarlugu. Matumani inassutigineqartutut ilinniartoq kulturilu qitiutillugit atuartitsineq pineqarpoq aamma Hans Egede qaannallu atuartitsissutini tamani atuartitsissutaanissaat pineqarnani, kisiannili ilinniartitsisup kisimiilluni ilisimasani atorpallaassanngikkai, ilinniartullu eqqarsaatai isummersuutaalu inissaqartillugit.

Siunertaq: Atuartitsineq inuiaqatigiinnik ilinniartullu nammineerluni misigisaanik aallaaveqassaaq, taamaaliornikkut qanimut misilittagaat ingerlariaqqinnissamut ilinniaqqinnissamullu aallaaviussammata.

Anguniagaq: Ilinniartup inuiaqatigiinnut tunngatillugu ilisimariigai qitiussapput oqaloqatigiissutigineqarlutillu, ilinniartut taamaalillutik ilikkagaqarsinnaanertik sungiusassammassuk peqatigitillugulu attaveqaqatigiinnikkut misissuisinnaanikkullu piginnaasatik amerlanerulersillugit. Ilinniartup qanimut misilittagarilersimasai aallaaviussapput, matumanilu atuartitsinermi kulturit assigiinngitsut oqaloqatigiissutiginissaat qisuariarfiginissaallu pisariaqarluni. Oqaloqatigiinneq tunngavigalugu atuartitsineq paasissutissiineq tunngavigalugu atuartitsinermut paarlaallugu.
Kingullermik nutarterneqarpoq: 02. marts 2020