airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

FA

FA-mi misilitsittarnermut atortussat Iserasuaammi meeqqat atuarfiannut tunngasoq quppernermi nassaarisinnaavatit.

FA-p isumaa tassaavoq Meeqqat atuarfianni Soraarummeerneq.
Fagit sorliit?
Kalaallisut, qallunaatut, tuluttut matematikkimillu ilinniartitsisoqassaaq, aammattaarli minnerpaamik fysik/kemiimik ilinniartoqarnissaa piumasaqaataavoq. Ilinniartitsisunut piginnaanilinnut naleqqiullugu tamanna Majorissanut unammillerfiuvoq, taamaattumillu meeqqat atuarfiannik suleqatigiinnissaq aalajangiisuuvoq.

FA-mi atuartut ilinniagaqarnersiuteqarsinnaapput. Misilitsinnermulli tunngasut tamarmik meeqqat atuarfianni misilitsinnermut malittarisassanut atuupput. Ukiumut marloriarluni FA-mi Majorissani misilitsitsisoqartarpoq.

FA-mi atuartut Majorissami atuartuupput
FA-mi atuartut ilinniagaqarnersiuteqarsinnaapput majorissami atuartut assigalugit. Misilitsinnermulli tunngasut tamarmik meeqqat atuarfianni misilitsinnermut malittarisassanut atuupput. Ukiumut marloriarluni misilitsitsisoqartarpoq.
GUX-imut akuerisaanissamut misilitsinneq

Ilinniartitaanermut, Kultureqarnermut Ilageeqarnermullu Naalakkersuisoqarfiup nalunaarutigissavaa aalajangerlugulu misilitsinnissamut ullut suunersut. Majorissat misilitsiffiusarput. Qinnuteqartut misilitsinnermi angusisut tigutittarput GUX-imut, inissaqarneq apeqqutaatillugu. 

GUX pillugu inatsisit uani takusinnaavatit, Iserasuaatip nittartagaanii.

GUX-imut isernissamut misilitsinnerit pillugit uani takuuk.

Oqaluttuarisaaneq pilaarlugu
Meeqqat atuarfiannut peqqussutitoqaq naapertorlugu ilinniartut FSA (Folkeskolens Afgangseksamen (Meeqqat Atuarfiannit Soraarummeerneq)) imaluunniit FSUA (Folkeskolens Udvidede Afgangseksamen (Meeqqat Atuarfiannit Soraarummeerneq annertusisaq) soraarummiissutigisinnaavaat. GUX-mut FSUA kisimi isissutaasinnaavoq. Meeqqat atuarfiannut peqqussut nutaaq atuutilermat FSUA-mik soraarummeertoqarsinnaajunnaarpoq, taamaallaat FA-mik soraarummeertoqarsinnaalerluni. Taamaalilluni Majorissat FA-mik maannakkut neqerooruteqarsinnaalerput. Naammaginartumik angusiffiusimaguni FA GUX-mut isissutaasinnaavoq.
Kingullermik nutarterneqarpoq: 02. marts 2020