Inuussuttut ilinnialernissamik kissaateqartut aqqutissiuunniarnerini uku siullertut paasiniarneqartarput: kinaassusertik eqqarsaatigilluarsimaneraat, pikkoriffitik soqutigisatillu sumilu sulilerusunnersut. Inuussuttummi soqutigisaat assigiinngitsuupput, soorlu assassullaqqissut, allaffimmiutut piginnaasallit taakkualu piginnaasaat assigiinngitsutigut paasiniarneqartarput, soorlu qarasaasiaq atorlugu, immersugassami apeqqutit akinerisigut il.il.
Meeqqat atuarfianni imaluunniit GUX-imi naammassilluni karakterit ilinniakkamik aallartitsinissamut, naleqquttuunersut paasiniarneqartarput. Karakterit naleqquttut pigineqanngippata qaffassarneqarnissaannut periarfissat aamma eqqarsaatigineqartariaqarput misissuataarneqartarlutillu. Ilinnialerusutallu tungaanut iliuusissat aqqutissallu assigiinngitsut qulaajarneqartarput, aqqutissarmi ataasiinnaanngilaq.
Majoriami aqqutissiuussisup suliassarivaa ilinnialerusutamut aqqutissap paasiniarneqarnissaa. Attavissat iserfigalugu illoqarfigisanni Piareersarfik nassaariuk.