Kalaallit Nunaata USA-llu akornanni oqaluttuarisaaneq

Atuartitsissusiaq pillugu

Atuartitsissusiaq faagini kalaallisut, inuiaqatigiilerinermi oqaluttuarisaanermilu ingerlanneqarsinnaavoq.
Atuartitsissusiaq sapaatip akunnerani immikkut sammisatut ingerlanneqarsinnaavoq imaluunniit piffissamut sivisunerusumut siammarlugu. Atuartitsissusiaq lektioninut 10-12-inut sivisussuseqarnissaa naatsorsuutaavoq.

Atuartut suliassaat

Atuartut allariaatsit marluusut arlaat toqqassavaat:

Oqaluttuaq naatsukullaliaq
Isummersorluni allaaserinninneq

Atuartut allataat 1½–3 quppernernik takissuseqassapput. Atuartut kisimiillutik imaluunniit suleqatigiillutik allassinnaapput.

Atuartitsissutip ingerlanneqarnera

Atuartut Kalaallit Nunaata USA-llu akornanni oqaluttuarisaaneq sammissavaat. Oqaluttualiornissamut imaluunniit isummersorluni allannissamut piareersarnermi immersugassaq naleqquttoq atorsinnaavaat.

Allannerup kingorna atuartut allataminnik nalilersueqatigiissapput. Misissueqatigiinnermut immersugassaq atorlugu allatat nalilersussavaat.

Unammissutissanik nassiussineq

Ilinniartitsisup atuartut allataat nalilersussavai. Klassimit ataatsimit allatat pitsaanerit tallimat tikillugit unamminermut nassiunneqarsinnaapput.

Allatat kingusinnerpaamik 15. marts 2027 nal. 12.00 nassiunneqassapput.

Ilinniartitaanermut Aqutsisoqarfik ajugaasunik 10–15-inik toqqaassaaq. 

Akissarsiassat:

• Nr. 1: 5.000 kr.

• Nr. 2: 3.000 kr.

• Nr. 3: 2.000 kr.

• Nr. 4–10: 1.000 kr.

Atuartut suleqatigiillutik allattut akissarsiassamik avitseqatigiissapput.

I skal uploade elevernes filer via dette link: https://www.survey-xact.dk/LinkCollector?key=N8DZG25ZUN96

Atortussat

Atortussanut linkit tamaasa immikkoortumi uani, quppernerup naggataatungaani, ataatsimoortillugit ikkutissapput:

• Ilinniartitsisumut ilitsersuut

• Atuartut atuagassaat: 4th of July

• Naatsukullaliornissamut ikorfartuut

• Isummersornissamut ikorfartuut

• Naatsukullaliamik misissueqatigiinnermut immersugassaq

• Isummersuummik misissueqatigiinnermut immersugassaq

Kingullermik nutarterneqarpoq: 12. oktober 2026