Atuarfiup piareersaatissai

Atuartut 3. aamma 7. klasseni atuartut tamarmik alloriarfinni misilitsinnermut ilaanissaat qulakkeerniarlugu, atuarfiup atuartut tamaasa Tabulex TEA-mi nalunaarsussavaat. Atuarfik Tabulex TEA-mut attaveqanngippat atuarfiup pisortaa kommuunimi atuarfeqarnermut aqutsisoqarfimmut qinnuiginnissaaq atuartut tassunga nalunaarsoqqullugit.

Atuartut nalunaarsornerat ukiup atuarfiusup ingerlanerani nutartertuassavaat, ilaatigut atuartut nuullutik tikittut aallartullu nalunaarsortarlugit. Atuartunik nalunaarsuineq tamakkiisumik nutartereersimassaaq alloriarfinni misilitsinnissamut inniminniisoqannginnerani.

Atuarfik 3.klassinut 7.klassinullu alloriarfinni misilitsinnissamut atortussanik nammineerlutik inniminniissapput, inniminniinissamut allattuiffik ataaniittoq nassiullugu, mailikkut imaluunniit allakkatigut timmisartukkut. Ilinniartitaanermut aqutsisoqarfiup atuarfinniit alloriarfinni misilitsissutissanik inniminniinerit tigoriissavai kingusinnerpaamik novembarip 15-ani, Ukiumut pilersaarut naapertorlugu.

Alloriarfinni misilitsinnissamut akiffissat kiisalu inernernik nalunaarsuutinut allattuiffiit isumannaatsumik atuarfimmi toqqaqqassapput, alloriarfinnilu misilitsinnissamut sungiusaatitut atoqqusaanatik.

Alloriarfinni misilitsinnissamut inniminniinissaq

Atuarfiup qulakkiissavaa alloriarfinni aqutsisut, ilinniartitsisut angajoqqaallu alloriarfinni misilitisinnerit pillugit sukumiisumik ilisimatinneqassasut. Ilisimatitsisissutit makkuninnga imaqassapput:

• Alloriarfinni misilitsinnerit nalilersuinermi sakkussatut atorneri

• Alloriarfinni misilitsinnerit siunertaat

• Alloriarfinni misilitsinnerit ingerlanneqarneri

• Allorfinni misilitsinnerni angusat qanoq atorneqarnissaat

Paasissutissiinerup qulakkiissavaa atuartut angajoqqaallu alloriarfinni misilitsinnerit qanoq pingaaruteqartiginersut, atuarfiup atuartunik sullissinissaanut. Pappilissat ataaniittut paasissutissiinermi agguaanneqassapput.

Alloriarnerup kingorna ataatsimut naliliineq
Alloriarnerni misilitsinnissamut ilitsersuutit

Alloriarfinni misilitsinnerit sioqqullugit atuarfiup qulakkiissavaa misilitsinnissamut pappilissat tamarmik makkuninnga paasissutissaqarnisaat:

• Atuarfiup nr.-a
• Atuartup aqqi tamaasa
• Atuartup cpr-nr.-a
• Atuartup klassia

Taakku saniatigut atuartup oqaatsit angerlarsimaffimmi atortakkani ersarissaqqissavai. Paasissutissat pineqartut tamarmik eqqortumik allanneqassapput, misilitsinnermi angusat Ilinniartitaanermut Aqutsisoqarfimmut nassiutinnginnerini.

Alloriarfinni aqutsisut atuartitsissutinilu ataasiakkaani ilinniartitsisut attuumassutillit misilitsinnissamut periusissaq ilisimaarissavat.

• Atuartunik tikilluaqqusineq

• Alloriarfimmi misilitsinnissaq saqqummiullugu

• Atuartut angerlarsimaffimmi oqaatsinik atukkaminnik nalunaarsuinissaannut ikiuineq

• Alloriarfinni misilitsinnermut ilitsersuutit saqqummiullugit atuartullu apeqquteqarnissamut periarfissillugit

Alloriarfinni aqutsisut ilinniartitsisullu ilitsersuutit isumassarsiorfissallu ataani allaqqasuni nanisinnaavaat.

Alloriarnerup kingorna ataatsimut naliliineq
Alloriarnerni misilitsinnissamut ilitsersuutit

Alloriarfinni misilitsinnerit ingerlanneqannginnerini, misilitsinnerit sukumiisumik atuartunut pineqartunut paasissutissiissutigineqassapput. Atuartut makkuninnga ilisimatinneqassapput:

• Alloriarfinni misilitsinernerup siunertaa
• Allorfiarfinni militsinnerup ingerlanneqarnissaa
• Perusuersarnissamut malittarisassat
• Atortorissaarutinut malittarisassat
• Kingusinnarluni takkunnermi, takkutinngitsoornermi kiisalu napparsinermi malittarisassat
• Peqquserluttuliornermi malittarisassaq

Tassunga tunngatillugu atuartut alloriarfinni misilitsinnissamut sungiusarnissaminnut periarfissinneqassapput:

3. klasse sungiusaatit

7. klasse sungiusaatit