Atuarfik digitaliusoq

Digitaliusunik ineriartortitsineq meeqqat atuarfiannut tunngasuni siuarsaanermut pingaarutilimmik inissisimavoq, unalu IT-mik atuinermut periusissiaq nutaaq periusissiaasimasup Atuarfik Digitaliusup nanginneraa.

Ilinniartitaanermut Aqutsisoqarfiup attuumassutilinnik suleqateqarluni periusissiaq una suliaraa, sammisallu pingaarnerit pingasut pingaartinneqarnerat attatiinnarlugu: Atortussat digitaliusut, digitaliusunik atuinermi piginnaasat kiisalu attavilersuutit allaffissornerlu.

Periusissiami uani Ilinniartitaanermut Aqutsisoqarfiup ukiuni kingullerni misilittagariligai periusissiaasimasumillu ”Atuarfik Digitaliusoq (2018 – 2019)”-imik nalilersuinerit tunngavigineqarput. Kommuninik, Ilinniarnermik Ilisimatusarfimmik attuumassuteqartunillu pingaarutilinnik ataatsimeeqateqartarnerni pisariaqartitat angorusutallu saqqummiunneqartut periusissiami ersersinneqarput

Anguniagaavoq atuartitsineq eqaatsoq, pilersitsiffiusoq piujuartitsisorlu, tassanilu digitalitigut aaqqiisarnerit atuartut ilinniarnerannut ilinniartitsisullu sulinerannut 
tapersiissasut.

Ataatsimoorussanik atuartitsinermut atortussanik Kalaallit Nunaanneersunik immersorusaarneqartartunik digitaliusunik atortussaqarneq qitiusumillu nittartagaqarneq nunami tamarmi assigiissaarinissamik atuartitsisarnerullu pitsaanerulernissaanik qulakkeerinneqataassapput.

Aamma ilinniartitsisut atuartullu teknologiimik atuilluarlutillu pilersitsisarnissaat pingaartinneqarpoq. Taamak periuseqarnerup siunissami atuarfiit unammilligassanut 
piareersassavaat, aammalu ilinniarneq piujuartitsinerlu annerulersissallugit. 

Ilinniartitaanermut Aqutsisoqarfiup periusissiap atorneqalernissaa aamma meeqqat atuarfeqarfiinut tamanut naleqarnerulersitsinissaa qilanaarai.

Download: ATUARFIK DIGITALIUSOQ II 2025 - 2029