Raketsimut avataarsualiartaammut ikigit, qiteruserlutit avataarsualu pillugu unammisitsinerit pissanganarnersaannut piareerlutit!
Avataarsualiartartoq Andreas Mogensen avataarsuanukarnikuuvoq Nunat Tamalaat Stationiannut ISS-imut. Tamatuma tungaanut ilinniartitsinermik ingerlatsinissaq MISSION ULTRA:SPACE piareersarparput.
Tassami Andreas Mogensen ip angalanermini nassarpaa micro:bit, taannalu atorlugu kalaallit atuartut peqatigalugit misileraassaaq!
Ilinniartitsinnermik ingerlatsinissamut tunngasut takusinnaavatit UANI.
Imaasiortoqassaaq
Atuartut kodiliatik nassiuppatigit atuartut misilerarsimasaannit pitsaanerpaat tallimat Andreas Mogensenimit avataarsuani misilerarneqartussanngussapput.
- Atuartitsinerni (lektionini) arfinilinni pinngortitalerinermik atuartitsisoqassaaq
- Atuartut akulliit angajulliillu peqataasinnaapput
- Kodinik avataarsuani misilerarneqartussanik tunniussinissamut oktobarip ulluisa 9-at killigitinneqarpoq
Atuartut Kalaallit Nunaanneersut, Savalimmiuneersut Danmarkimeersullu unammisitsinermut peqataanissaminnut periarfissaqarput.
Atuartitsineq naammassineqarsimalerpat atuartut:
- Avataarsua oqimaassuseqannginnerlu pillugit ilinniartinneqarsimalissapput
- Stationimi avataarsuaniittumi najugaqarnerup qanoq issusianik paasisimasaqalissallutik
- BBC micro:bit atorlugu kodiliornermik misilittagaqalissallutik
- Misileraataasussamillu isumaliuteqarsimalissallutik
Ultra:spacemik isumassarsiaq DR-imit ineriartortinneqarpoq European Space Education Resource Office (ESERO) Denmark aamma Astra suleqatigalugit.
Paasisaqarnerorusukkuit attavigiuk:
Ane-Kathrine Petersen
Atuarfinnut siunnersorti IT-didaktikki
(+299) 34 62 03
akpe@nanoq.gl
Rune Hvistendal Kristiansen
Siammaavimmi attaveqarnermut siunnersorti
(+299) 34 56 17
rukh@nanoq.gl
