Maanna ajuusaarutigalugu nalunaarutigineqassaaq ulloq manna aallarnerfigalugu Ilinniartitaanermut Aqutsisoqarfiup immikkoortortaqarfia Kissarneqqortuunnguaq 20-miittoq Nuummiittoq matusariaqalermat, tassanilu ilaatigut inissisimasut atorniartarfik (Siammaavik), makerspace, kiisalu toqqorsivik nassiussisarfillu. Matoqqaneq pissuteqarpoq avatangiisinut tunngasunik misissuinerit takutimmassuk oqummik (skimmelsvamp) peqartoqarnera. Kissarneqqortuunnguaq 20-mik matusineq Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik isumaqatigalugit tamanna pivoq.
Taamaattumik ullumimiit atuartitsinermut atortunik atorniarneq Ilinniartitaanemut Aqutsisoqarfiata Siammaavianit aamma paasissutissiinermut katersugaataanniit, Kissarneqqortuunnguaq 20-miittumiit unitsinneqarallassaaq. Taamattaaq Kissarneqqortuunnguaq 20-mut iserluni atuisartunut matutinneqarpoq.
Ilinniartitaanermut Aqutsisoqarfiup immikkoortortaqarfia Kissarneqqortuunnguaq 20-miittoq piffissaligaanngitsumik matoqqagallassaaq. Tamanna siunertaqarpoq annertunerusumik misissuisoqassammat pisussallu qanoq innissaannut qulaajaasoqassammat.
Ilinniartitaanermut Aqutsisoqarfimmi sulisut Kissarneqqortuunnguaq 20-miittut allannguuteqanngitsumik oqarasuaatikkut imaluunniit e-mailikkut attavigineqarsinnaapput. Attaveqarnissamut paasissutissat tamarmik takuneqarsinnaapput Attavigisigut (iserasuaat.gl).
Suli Ilinniusiorfimmut atuartitsinermut atortunik piniartoqarsinnaavoq, taamaalillunilu atortussat atorneqarsinnaasut Ilinniartitaanermut Aqutsisoqarfiup avataaniittumi toqqorsivianiittuuteqarneq apeqqutaalluni nassiunneqarsinnaallutik.
Atuarfiit ilinniarfiillu ilinniartitsisunut atuartunullu qinnuigineqarput Ilinniartitaanermut Aqutsisoqarfiup immikkoortaqarfiata Kissarneqqortuunnguaq 20-miittup matuneranik ilisimatitsissasut.
Ilinniartitaanermut Aqutsisoqarfip pisup kingunerisassata atuisunut sunniutissai ajuusaarutigai neriuppugullu piffissami qanittumi piaartumik susoqarnissaa paasinarsissasoq. Ersarinnerusumik paasisaqariarutta soorunami pilertortumik nalunaarutigineqarumaarpoq.
Inussiarnersumik inuulluaqqusilluta.
Venlig hilsen
Kaali Olsen
Aqutsisoqarfimmi pisortaq
Styrelseschef