Pimmatiginnittarneq pillugu ataatsimeersuarnissamut onlinekkut peqataanissannut periarfissaqarputit.
Oktobarip 22-anni nal. 08:30 oktobarillu 23-anni nal. 08:30 kanalit iserfigineqarsinnaalissapput.
Peqataatinniarneqartut
Perorsaanerup ilinniartitsinerullu iluini ilinniarsimasut suliaqartullu
Imaaliussaatit
Stationit marluk peqataaffigisinnaavatit. Programmimi matumunnga ilanngunneqartumi (uani) stationini taakkunani marlunni saqqummiunneqartussat takusinnaavatit.
Teamsikkut kanalit: Iserfissaq aqutsisorisannut ukununngaluunniit allallutit piniaruk: akpe@nanoq.gl aamma rukh@nanoq.gl.
Oqalutseqarneq
Qallunaatut saqqummiussat oqalutsit kalaallisuunngortissavaat (græsk toorneqassaaq).
Qanoq iliorlutit oqalutsit tusaasinnaalersinnaaneritit tusaasinnaajunnaarsinnaaneritilluunniit ilitsersuut ilanngupparput. Vejledning (pdf)
Ataatsimeersuarneq pillugu
Pimmatiginnittarneq akiorniarlugu ataatsimeersuarnissami meeqqat inuusuttuaqqallu atuarfinni, sunngiffimmi neqeroorutini, atuartut angerlarsimaffiini assigisaannilu, meeqqat inuusuttuaqqallu ulluinnarni najortagaanni, pimmatiginnittarnermik pinaveersaartitsinissaq aammalu meeqqat inuusuttuaqqallu atukkaminnik iluarinninnerulernissaat pillugit ilisimasanik misilittakkanillu ilisimatitseqatigiinnissaq pingaarnerutinneqassaaq. Ataatsimeersuarnissaq tassaavoq suliassaqarfinni taakkunani sulisut ilinniarsimasullu pimmatiginnittarnermik akiuiniarlutik aammalu meeqqat inuusuttullu atugaat pitsaanerulersinniarlugit sulisarnerminni misilittakkaminnik ilisimatitseqatigiiffissaat allallu qanoq pisarnerannik ilinniarfigisassaat.
