Ilinniartitsisumut - ultra:bit LIVE pillugu

'Ultra:bit LIVE', meeqqat assigineqanngitsunik teknologii atorlugu uumasunik piginnaanilissuarnik pilersitsiffigisassaat atuaqatigiillu akissarsiassaannik ajugaaniunnermut unammeqataaffigisassaat, atuartitsinerup ingerlanneqarnerata qaffasinnerpaaffissaraa. Klassit nunamit tamarmit pisut kodiliornermik, nutaaliornermik qallunaallu / kalaallillu uumasui pillugit nuannersumik unammitinneqartassapput.

Siorna Sofie Østergaard aqutsisoralugu ingerlanneqartumit ultra:bit campimit, atuartunit 18.000-init amerlanerusunit peqataaffigineqartumit, 'Knæk klimakoden'-imillu taallugu nutaaliornermik unammisitsinermit misilittagarineqalersunik ultra:bit LIVE nangitsineruvoq.

'Ultra:bit LIVE'-mut atatillugu atuartitsinermi BBC micro:bit Scratchiluunniit atorlugu kodinik suliaqarneq atuartunut ilisaritinneqassaaq. Atuartitsinermi atuartut nutaaliornermik eqqarsarlutik teknologii atorlugu uumasumik piviusuunngitsumik pilersitsisinnaanngortillugit ilitsersuunneqassapput.

Ultra:bit LIVE-mut atatillugu atuartitsineq fagini tamani, soorlu pinngortitalerinermi/teknologiilerinermi, matematikkimi, assassornermi, ilusilersuinermi, qallunaatoornermi tapersiissutaasumillu atuartitsinermi atorneqarsinnaavoq.

Ultra:bitimik aqutsisuusoq Sofie Østergaard peqatigalugu isumassarsiorfiulluartumik atuartitsisoqareerpat atuartut DR-imi fagit assigiinngitsorpassuusut ilaannik atuartitsinermut ingerlateqqinneqassapput.

Atuarfik: www.dr/dk/ultrabit

ultra:bit LIVE-mut peqataaniarlusi nalunaaritsi – klassi toqqaannartumik nalunaarutigissavarsi

5., 6. imaluunniit 7. klassimi atuartuususi DR-p Sofie Østergaard aqutsisoralugu ilinniartitsineq pillugu aallakaatitsineranut ultra:bit LIVE-mut peqataaniarlusi nalunaaritsi.

Kalaallit Nunaanni oktobarip ulluisa aallaqqaataanni nal. 8:30 DR Skolep YouTube-kanaliatigut toqqaannartumik aallakaatitsissaagut, klassillu tamarmik atuartitsinerup ataatsip ingerlanerani atuarfimminniiginnarlutik peqataassapput. Kodiliorneq, nutaaliorneq qallunaallu / kalaallillu uumasui unammissutigalugit nuna tamakkerlugu unammisitsisoqassaaq.

Ultra:bit LIVE-mut peqataanissaq sioqqullugu atuartut teknologii atorlugu piginnaanilissuarmik uumasuliortinneqarsimassapput. Faginut arlalinnut atatillugu taama suliaqartoqarsinnaavoq, fagillu makku ilaatigut uumasuliornermik suliaqarfiusinnaapput: Pinngortitalerineq teknologiilerinerlu, assassorneq ilusilersuinerlu kiisalu qallunaatoorneq. 

Piginnaanilissuanngorlugit uumasuliarineqartut ultra:bitimut nassiunneqassapput, taamaalillusilu unammisitsinermut Sofie Østergaardip ultra:bit LIVE-mi uumasunik piginnaanilissuarnik ajugaasunik toqqaaneratigut akissarsiassaqarfiusumut peqataasussanngussaasi.

Paasissutissat

• ultra:bit LIVE 5., 6. aamma 7. klassinut ilinniartitsinermut ultra:bitimut peqataasunut neqeroorutaavoq akeqanngitsoq.
• ultra:bit LIVE DR Skolep YouTube-kanaliatigut toqqaannartumik aallakaatinneqassaaq.
• Oktobarip ulluisa aallaqqaataanni nal. 8:30 aallakaatitsisoqarnissaanut klassi peqataatinniarlugu kingusinnerpaamik 14. september 2020 nalunaarutigissavat.
• ultra:bit LIVE minutsit 45-t missiliorlugit sivisussuseqassaaq.
• ultra:bit LIVE-imi atuartitsisoqarnissaanut atortussat UANIIPPUT.
• ultra:bit LIVE sioqqullugu suliassat klassinit naammassereerneqarsimanissaat naatsorsuutigineqarpoq.
• Lektionit arfineq-pingasut peqataanissaq sioqqullugu suliaqarfiusinnaapput – sivikinnerusumilli piareersartitsinissaq periarfissaavoq.

Kalaallit Nunaanni ultrabit LIVE unammineq pissaaq
1. oktober 2020 nal. 8:30 - 9:30

Imaaliorlutit klassi peqataasussanngortissavat

Klassi peqataanissaanut qallunaatut uunga allallutit nalunaarutigiuk ultrabitlive@dr.dk. Allakkami paasissutissat tulliuttut ilanngukkigit:

• Klassi Kalaallit Nunaanniit unamminissamut peqataatikkusullugu pisussamut 1. oktober 2020 nal. 12:3
• Illit atit
• Mailit
• Telefonnormut (+299 XX XX XX)
• Atuarfiup aqqa
• Klassip aqqa
• Klassimi atuartut amerlassusaat
• Illoqarfik
• Ilanngussassaqaruit allanik

Malugiuk: Klassit arlallit nalunaarutigisinnaavatit, kisianni taamaaliussaguit ataasiakkaaginnarlugit nalunaarutigisassavatit.

Imaaliorlutit uumasoq piginnaanilissuaq nassiuguk.

Klassit ultra:bit LIVE-mut peqataaniartut tamarmik uumasuliaminnik unammisitsinermut nassiussinissartik eqqaamassavaat. Nassiussineq kingusinnerpaamik pissaaq ulloq 28. September 2020. Taamaalillutik atuaqatigiit unammisitsinermut ultra:bit LIVE-mi kikkut ajugaanerannik aalajangiiffiusussamut peqataasussanngussapput.

Unammisitsinermut atatillugu skiima immersugassaq uumasup piginnaanillip allaatiginninneqarnera tunniunneqassaaq. Skiima UANIIPPOQ.

Uumasup assinga tunniussiuk imaluunniit Scratchimi suliassi computerikkut saqqumisup assinga.
Uumasuutissi qanoq iliorsinnaaneranik isiginnaagassiaaqqamik tunniussisinnaavusi.

Filit ultra:bitip Dropboxianut MAANA ikkunneqassapput, kingusinnerpaamik ulloq 28. September 2020.

Nalornissuteqarpit? ultrabitlive@dr.dk-mut imaluunniit 2854 8957-imut sianerlusi attavigitigut.

Ultra:bit LIVE DR-imit ineriartortinneqarpoq, CFU Astralu suleqatigalugit saqqummiunneqarpoq kiisalu Industriens Fondimit aningaasaliiffigineqarluni.
ultra:bit LIVE 2020-imi takunissassinnut qilanaarpugut.
 

BBC micro:bit ultra:bit LIVE-mut piareersarnissaanut ilinniartitsisumut ilitsersuut UANI atuaruk.

Linksit:

• DR Skolep ultra:bitimut ilitsersuutai
• Koderinissamut piareerit
• Siullerpaamik kodeliorit
• Bluetooth iluaqutingalugu kodeliat nuutsiguk
• Kode immikkut ittoq toqqaannartumik aallakaatitsisoqarnerani atuartunit atorneqartussat

Ilinniartitsisumut ilitsersuut UANI atuarsinnaavatit.

Videonut linksit. Malugiuk video-t qallunaatuupput:

• Suliassaq 1
• Suliassaq 2
• Suliassaq 3
• Suliassaq 4
• Suliassaq 5
• Suliassaq 6
• Vilde vidunderlige Danmark
• Scratchimi kodinik qinerlerfissiaq
• BBC micro:bitimut kodinik qinerlerfissiaq
• Scratchip atornissaanut sungiusarfik
• DR Skolemi BBC micro:bit pillugu ilisartitsinermi nittartagaq atorneqarsinnaasoq
  

Skiimat:

• Qallunaat / kalaallit uumasui marluk toqqarsigit
• Uumasoq piginnaanilissuaq

ultra:bitip unammisitsinerani ajugaasut akissarsiassaasa saniatigut Astrami siunnersuisut pikkorilluinnartut ilaannit uumasuliaq piginnaanilissuaq pillugu oqaaseqarfiginnittoqassaaq. Taamaalillutik atuaqatigiit unammisitsinernut allanut peqataarusukkunik uumasuliartik nangillugu suliaqarsinnaalissapput.

Atuaqatigiit ajugaasut ultra:bitip Science EXPO-mi Københavnimi 2021-mi apriilip 27-anni pisussami ajugaasunik saqqummersitsivianut qaaqquneqassapput.

Tassani atuartut uumasuliartik piginnaanilissuaq inunnut ilisimasalinnut pulaartunullu saqqummiutissavaat. Malugiuk angalaneq, unnuineq nerisaqartitsinerlu akissarsiarineqartumut ilaatinneqanngimmata.

'Store Opdagelser' (Ilisimasassarsiornersuit) sammisaralugu Astrap 2020-mi Naturvidenskabsfestivaleqartitsinera aallaavigalugu ultra:bit LIVE-mi unammisitsisoqarpoq. Sammisap taassuma iluani sammineqartut ilaat tassaavoq 'Naturen i forandring' (Pinngortitap allanngornera).

Naturvidenskabsfestivalimi atuartitsinermi atortussat ultra:bitimik unammisitsisoqarneranut atatillugu suliaqarnermut atorneqarsinnaalersitaapput, aamma unammisitsineq Astrallu piginnaanilinnik unammisitsinera, Unge Forskere, imminnut sunniivigeqatigiittuupput.

Ultra:bit LIVE ukunannga ineriartortinneqarpoq:

DR-ip Center for Undervisningsmidler aamma Astra suleqatigalugit ultra:bit aallarnigaraa. Suliaq taanna Industriens Fondimit tapiiffigineqarpoq.
Taakkua saniatigut tapiissuteqartut tunissuteqartullu assigiinngitsorpassuupput.
Suleqatigineqartut tamakkerlugit uani takusinnaavatit:

ultra:bit LIVE er udviklet af:
Mark Krogh Holler, CFU
Martin Exner, CFU
Katrine Holst, DR
Rikke Weinreich Sørensen, DR
Camilla Balslev Nielsen, DR
Sofie Østergaard, DR
Louise Stoholm Christensen, DR
Michael Ravn, DR
Mads Bøndergaard, DR
Trine Charlotte Hjorth Jensen, DR
Camilla Laudrup, DR

DR-ip Center for Undervisningsmidler aamma Astra suleqatigalugit ultra:bit aallarnigaraa. Suliaq taanna Industriens Fondimit tapiiffigineqarpoq.

Taakkua saniatigut tapiissuteqartut tunissuteqartullu assigiinngitsorpassuupput.

Atortussap originalia DR Skolep suliaraa. UANI ingerlanissaa tamakkiisumik takuneqarsinnaavoq.