airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Qallunaatut allattariarsorneq Kalaallit Nunaanni

Ilinniartitsissut: Qallunaatut

Linki: Skriftlig dansk (Qallunaatuinnaq allataapput)

Ilusilernera: Atuagaq

Atuakkiortoq: Agnete Elmose

Siulequt 

Danskisut allattarissamik nammineq ilinniartitsisuunerma nalaani ilinniartitsinermut atugassianik suliaqarnissannik isumassarsivunga, tassanimi amigaatigisarsimagakku atuartut allattarissatigut sammisaqarnerisa pitsanngornissaannut atugassiaqarnissaq. Taaneqassaartaaq ukiuni tallimani Nuummi ilinniarnertuunngorniarfimmi sulinikuugama, kiisalu ilinniartitsissumi danskimi suliassat pillugit kommissionimimut siulittaasuunikuugama, danskisullu stilit amerlasuut naqqissortarsimagakkit, taamaattumillu Kalaallit Nunaanni taamatut atugassianik pisiariaqartitsineq ilisimallugu.  Imatut isumassarsivunga:

• Danskisut stililiorneq suleriaatsitut ilisimaneqalissammat

• Allattarissatigut danskimi kukkuneqarnerpaasartut naqqinneqarnissaannut periarfissaqarniassammat, pineqarporlu naqitanik utertaarineq kiisalu oqaatsinik isumannaatsitsinissamut pitsaassutsillu arlallit nikerarnerannut atatillugu killiffilersuineq 

• Kalaallisut aamma danskisut atuinermi kukkuneqartartut aalajangersimasut aallaavigineqassammata – atuartut ataasiakkaat oqaatsitigut atugaqarnerminnik ilisimasaqalerniassammata 

• Ilinniartitseriaaseq assigiinngisitaartoq periarfissiissutigineqarniassammat

• Danskisut kukkunertaqanngitsumik, eqqorluartumik assigiinngisitaartumillu atuartoq pitsaanerusumik oqaasertalersuisinnaaniassammat.  Suliassiissutit danskisut stiliat arlalissut aallaavigalugit suliaapput, tamatumanilu kukkusaasartut immikkoortitersimavakka, tamakkumi takusarsimavakka taakku atuartarnerini kiisalu Kalaallit Nunaanni danskisut atuinermik ilisimasaqarnera tunngavigalugu.  Sulianut atatillugu teoriikkut nassuiaatit ilaatinneqanngillat, taamaattumillu assersuutigalugu oqaasilerinikkut ajornartorsiut pilissagaluarpata, ilinniartitsisumut atuartumullu ilinniartitsinermut atugassiat allat innersuussutigerusuppakka.  Pissutsini ataasiakkaani internetimi nittartakkat innersuussutigineqarput.  Qanoq nalunartiginerat tunngavigalugu suliassiissutit ullorissamik ataatsimik, marlunnik pingasunilluunniit nalunaaqutserneqarnikuupput, ulloriaq ataaseq nalunannginnerpaanut ullorissallu pingasut nalunarnerpaanut.  Ataasiinnarmik ulloriartallit nalinginnaanerpaanerat pissusissamisoorpoq, inuilli ataasiakkaat pineqarmata oqaatsitigut piginnaaneqarluarneq aamma piginnaanikinneq apeqqutaasarpoq, taamaatumillu nalunaaqutsiineq naleqqersuussineruinnaavoq.  Assersuutigalugu suliassiissut Fra vrang til ret ullorissamik ataasiinnarmik nalunaaqutsigaavoq, oqaatitsigut ajornartorsiutit immikkuullarilluinnartut tunngaviummata, sulissiissulli tunngaviatigut nalunarluinnartuuvoq.  Ullorissamik nalunaaqutserneqanngitsut taava ima paasineqassapput, suliassiissut taana atuartunit tamanit soqutigineqartussaasoq. . Danskisuumi allattariarsornermut atatillugu minnerunngitsumillu 1. G-mi stilinik utertitsisarnermut atatillugu suliassiissutit ilinniartitsisunit atorneqartarnissaat neriuutigaara, tamatumanimi ilinniartut suliassiissutinik assigiinngisitaartunik innersuussiffigineqarsinnaassammata.  Kiisalu ilinniartut oqaatsitigut pinnguaatut nuannarissagaat, taamaalillutillu oqaatsitigut isumannaannerusumik angusaqarsinnaassasut.

Kingullermik nutarterneqarpoq: 02. marts 2020