Native Americans at Dartmouth – Filmimut piviusulersaarummut ilinniartitsinermi atugassiat
Sammisap taaguutaa: Native Americans at Dartmouth / Amerikap inoqqaavi Dartmouthimi
Fagi: piorsarsimasulerinermi
Link: Native_Americans_at_Dartmouth_DK (1).pdf
Atuakkiortoq: Hanne Sørensen
Imai
1. Filmi piviusulersaarut aamma siunertaa
2. Filmimi pingaarnerutitat taakkulu tunuliaqutaat
3. Filmimit tikkuakkat pingaarnerit
4. Filmimi pisut aamma siunertap 5-ip eqikkarnera Suliaqarnermi apeqqutissiat
Filmi piviusulersaarut taassumalu siunertaa
Filmi piviusulersaarut Native Americans at Dartmouth – NAD 2009-mi suliarineqarpoq. Immiunneqarnera Dartmouth College-mi, New Hampshire-mi, USA-miittumi 2008-mi ingerlanneqarpoq. Amerikamiut nunap inoqqaavi (native americans) inuusuttut Dartmouthimi ilinniagaqartuusut kiisalu namminneq oqaaserisatik piorsarsimassusertillu qanoq isumaqarfigineraat oqaluttuarissallugit immiussinermi siunertaavoq. Taama isumassarsiaq 2007-imi Ilisimatusarfimmi Oqaasilerineq, Atuakkialerineq Tusagassiuutilerinerlu pillugit bachelorinngorniarninni pilerpoq. Paarlaasseqatigiilluni ilinniagaqartoq Dartmouthimeersoq naapippara, taannalu kalaallit oqaatsinik ilinniagaqassalluni siunertaqarpoq. Ilinniagaqartoq Alaskameersuuvoq inoqqaajusutullu oqaatsitik piginnaaneqarfiginagit. Kalaallit Nunaani maani inuussuttut ilinniarnertuunngorniat aamma taakkua oqaasi pillugit piviusulersaarummik filmiliornissamut isumassarsiaq tassani pilerpoq.
Amerikap inoqqaavisa piorsarsimassusertik ileqqutillu attatiinnarsimagaat sivisuumik oqallisaasimavoq, allaammi naggueqatigiinni ritualit ingerlanneqartarsimallutik. . Dartmouthimeersoq suleqatigereerlugu aamma Kalaallit Nunaanni oqaatsinik atuineq pillugu piviusulersaarummik filmilioreerlunga Amerikami inoqqaajusunit oqaatsinik atuinermik misissuineq pillugu filmimik piviusulersaarummik suliaqarnissamik isumassarsiaq pilerpoq. . Filmi 32 minutsinik sivisussuseqarpoq. Filmip aallaqqaataani Dartmouth College-p pilernerani oqaluttuarisaanera ataatigut kalaallisut allagartalersugaq takutinneqarpoq. Filmip sinnerani takutitat immikkoortuini tamani apeqqutit kalaallisuujusut saqqummertarput. Filmip sinnera kalaallisut ataatigut allagartalersugaanngimmat tuluttut paasisaqarsinnaaneq pisariaqarpoq.
Suliniut aallarnerneqarpoq Dartmouth Collegemi inunnik apersorneqarsinnaasunik ujarlernermik. Dartmouth Collegemi qujanartumik immikkoortortaqarpoq native american program-imik taaneqartumik, tassungalu aaqqissuussinermut saaffiginnittoqarsinnaavoq, aamma Dartmouthimi ilinniagaqartut 50-it missaaniittut amerikami nunap inoqqaajummata. Aaqqissuussinermi tassani nunap inoqqaavi ilinniartut 20-t missaaniittut ilinniartut inaaniitinneqarput, taannalu taagorneqarpoq The Native American House. (Amerikamiut inoqqaavisa illuat)
Illoq taanna nunap inoqqaavinit ataatsimiinnernut, nereqatigiinnernut, ataatsimoorluni iliuuseqarnernut atorneqartarpoq, tassanilu isumassarsivunga illumi tassani aaqqissuussinermut ilaanissannut, apersorneqaratarsinnaasunillu naapitsisinnaanermik Dartmouthimut aallannginninni immikkoortumi tassani aalajangereerneqarsimavoq saqqummiunneqarlunilu inuusuttunik saqqumilaartunik ilinniagaqarnerminnullu tunniusimasunik arlaatigullu namminneq kulturiminnik oqaatsiminnillu iliuuseqartartunik ujarlertunga. Nunap inoqqaavisa inuusuttut namminneq kulturertik oqaatsitillu qanoq isumaqarfigineraat pillugu apersuinissaq siunertaavoq. Namminneq kultureqarnerannut paasisariaqarpoq naggueqatigeersuunersut (tribes) aamma naggueqatigiit taakku namminerisaminnik oqaaseqatuunersut. Taamaalilluni siunertaalerpoq nunap inoqqaavi taakku inuusuttut nunap inoqqaavisut oqaasii innuttaasut USA-miittut akornanni atorneqartut attatiinnarneqassanersut paasiniassallugu.
