airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Kalaallit Nunaanni perorsaanermik suliallit paasissutisseeqatigiittarfiat

Ilinniartitaanermut Aqutsisoqarfiup nittartagaq meeqqanik suli atualersimanngitsunik sullissinermi perorsaanermut atortussat pillugit paasissutissanik Kalaallit Nunaanni perorsaanermik sulialinnit tamanit ujarlerfiusinnaasoq saqqummiuppaa.

13. januar 2021

Nittartagaq ilinniartitaaneq pillugu portalip iserasuaat.gl-ip ilagaa. Iserasuaat.gl meeqqat atuarfianni, GUX-imi Majoriamilu ilinniartitsisunut, maannalu paaqqinnittarfinni perorsaanermik sulialinnut tamanut atugassiaavoq.

Aqutsisoqarfimmi pisortaq Simon Lennert saqqummiussinermut tunngatillugu ima oqaaseqarpoq:

”Kalaallit Nunaanni perorsaanermik suliallit ataatsimoorussamik paasissutissaasiveqalernissaat sivisuumik anguniagarisimavarput. Nittartagaq ukiualunni piareersarneqarsimavoq, nuannaarutigaarpullu maanna piviusunngormat, taamaalillutillu perorsaasut suliaqarfimminni sunik suliniuteqarnersugut malinnaasinnaanngormata.”

Ilinniartitaanermut Aqutsisoqarfimmi Meeqqanut Suli Atualinngitsunut Immikkoortortaqarfiup atortussat perorsaanermilu atortussat nittartakkami saqqummiunneqartartussat ineriartortitarai.

Tamakku saniatigut nutaarsiassat tusagassiuutinullu nalunaarutit meeqqat suli atualinngitsut pillugit suliassaqarfimmut tunngassuteqartut nittartakkami atuarneqarsinnaasassapput Ilinniartitaanermillu Aqutsisoqarfiup Facebookiani ”Ilinniartitaanermut Aqutsisoqarfik / Uddannelsesstyrelsen”-mi saqqummiunneqartassallutik.