2019-imi Naalakkersuisut qallunaallu naalakkersuisui Kalaallit Nunaanni meeqqat inuusuttullu atugarliortut sulissuteqarfigineqarnerisa nukittorsarneqarnissaat pillugu suleqatigiilerput. Suleqatigiit kalaalersaqarlutillu qallunaartaqartut suliniutinut anguniagassartalinnut, meeqqat inuusuttullu atugaannik inuiaqatigiinni tamani pitsanngorsaataasussanut, innersuussutinik 16-inik suliaqarsimapput, aasaaneranilu 2020-mi suliniutigineqartut tamaasa pillugit nalunaarusiamik tamakkiisumik saqqummersitsisimallutik.
Angalaneq nalunaarusiami innersuussutit pingajuata, Kalaallit Nunaanni ulluunerani neqeroorutini sulisunik ilisimasatigut qaffassaanermik piginnaanngorsaanermillu imaqartup, ilagaa. Suliniut una atugaliornermut ilisarnaataasunik siusissukkut paasisaqartarnissaq pillugu kommunit ataatsimut suleriaasiata ineriartortinneqarnissaanut, sumiginnaasarnerup pinaveersaartinneqarnissaanut kiisalu meeqqanik sumiginnagaasimasunik sullissisarnissamut ikiuutaassaaq.
Angalanermi Ilinniartitaanermut Aqutsisoqarfimmi suli atualinngitsunut suliassaqarfimmi siunnersortaasut kommunit meeqqanut inuusuttunullu ingerlatsiviini sulisunut aamma ulluunerani neqeroorutini (meeraaqqerivinni, meeqqerivinni ulluuneranilu paaqqinnittarfinni) pisortanut pisortallu tulliinut immikkut siunertaqartumik pikkorissaassapput.
Suleqatigiit angalasartut Kommuni Kujallermeeqqammerput, angalanertillu nangillugu Qeqqata Kommuniani Kommune Qeqertalimmilu illoqarfinnut nunaqarfinnullu aalajangersimasunut apriilimi maajimilu ingerlaqqissallutik.
Paasisaqarnerorusuttunut attaveqarfissaq:
Suli atualinngitsunut suliassaqarfimmi siunnersorti Liili Kleist
Email: likl@nanoq.gl
Telefon: 34 62 76
Suleqatigiit angalasartut angalasut
Suleqatigiit angalasartut Ilinniartitaanermut Aqutsisoqarfimmeersut kommuninut tallimanut meeqqanik atugarliortunik siusissukkut paasisaqartarneq pillugu pikkorissaassallutik angalanissartik maanna aallarnereerpat.
7. april 2022
Aamma atuarsinnaavatit
-
18. februar 2022
Ny styrelseschef
Kaali Olsen Ilinniartitanermut Aqutsisoqarfimmi pisortatut toqqarneqarpoq.
Tamakkerlugu atuaruk
Qinnuteqartut amerlasuut akornanni atorfinitsitsinermut ataatsimiititaliap isumaqatigiissup Kaali Olsen atorfinitsinneqarnissamik neqeroorfigaa tamannalu Illinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup nuannaarutigeqisaanik akueraa. -
21. oktober 2021
Ilinniusiat nutaat Tilioq-meersutÂ
Nukappiaraq innarluutilik pillugu Tilioq-up ilinniusiatut saqqummersippaa. Atuagaq ilinniartitsinermilu atortussaq ilinniartitsissummi inuttut ineriartorneq nukarlernut akullernullu ineriartortinneqarnikuuvoq.
Tamakkerlugu atuaruk -
27. maj 2021
Suleqatigiit angalasartut nutaat meeqqanik suli atualersimanngitsunik sumiginnaasarnerup pinaveersaartinneqarnissaanik suliaqassapput
Suleqatigiit angalasartussat taakkua tikitaminni kommunit ulluunerani neqerooruteqarfiini sulisut aqutsisullu qanimut suleqatigisassavaat.
Tamakkerlugu atuaruk -
26. februar 2021
Internet Explorerimik atorunnaariartortitsineq
Tamakkerlugu atuaruk -
13. januar 2021
Kalaallit Nunaanni perorsaanermik suliallit paasissutisseeqatigiittarfiat
Ilinniartitaanermut Aqutsisoqarfiup nittartagaq meeqqanik suli atualersimanngitsunik sullissinermi perorsaanermut atortussat pillugit paasissutissanik Kalaallit Nunaanni perorsaanermik sulialinnit tamanit ujarlerfiusinnaasoq saqqummiuppaa.
Tamakkerlugu atuaruk