Ternet Ninja, Dune, Det Gyldne Kompas aamma Narnia – tassaanerpat tallimanngornermi unnukkut isiginnaarusutatit?
Immaqami.
Atuartulli tamakku nuannaarutigissavaat.
Taakku filminit tv-kkullu aallakaatitanit mitCFU.gl-imi nanineqarsinnaasunit tuusintilikkuutaanit assersuutimininnguupput.
Atuartitsinissamut ilitsersuutit filminoortut tv-kkullu aallakaatitanoortut atorlugit atuartitsinerpit aallaqqaataanit anguniakkannut ajornaatsumik pisinnaavutit – fagit atuartitsissutigisat sunaagaluarpalluunniit.
Assersuutigalugu atuartuutitit Ternet Ninja pillugu suliaqarnerminni namminersorsinnaassapput. Apeqqutit meeqqat sulititaasarnerat pillugu filmimi isiginiarneqartumut, Askep filmip ingerlanerani ineriartorneranut, Anders Matthesenillu ilungersorpaluttunik quinartunillu atuineranut kiisalu filmikkut oqaatiginiarneqartumut tunngasuupput.
Filmit tv-kkullu aallakaatitat pillugit uani paasisaqarnerusinnaavutit: https://iserasuaat.gl/emner/folkeskole/undervisningsmaterialer/mitcfu-undervisningsmaterialer.
Paasisaqarnerorusukkuit attavigiuk:
Rune Hvistendal Kristiansen
Siammaavimmi attaveqarnermut siunnersorti
(+299) 34 56 17
rukh@nanoq.gl
Ane Sofie P Heilmann
Atuarfinnut siunnersorti Siammarterinermi atorniarnermilu
(+299) 34 62 40
