Ullumikkut Kivitsisap aamma Ilinniartitaanermut Aqutsisoqarfiup Atuartut Nipaat saqqummersippaat – nunatsinni nuna tamakkerlugu akulliit alloriarfianni atuartut tamarmik podcast atorlugu ajugaaniarlutik unammiffissaat nutaaq.
Atuartut Nipaat’a atuartut nipinik tamalaarpassuarnik atuinissaannut periarifissaqartilerpai. Ukioq manna ”Inuunera” aamma ”Oqaluttuaq pitsaasoq” qulequtarineqarput, ajugaaniunnerullu atuartut nipit, oqaluttuat aamma sakkut digitaaliusut atorlugit misissuillutik nutaaliorlutillu sulinissaannut perisarfissaqartilerpai.
www.AtuartutNipaat.gl iserfigalugu atortussat amerlasuut ilitsersuutitallit kiisalu video-mut aamma podcast-imut guides-it nassaarineqarsinnaapput, atuartut ilinniartitsisullu ajornanngitsumik aallartitsissutigisinnaasaat. Taakkua saniatigut ilinniartitsisunut soqutiginnittunut 8. januar, nal. 14.30, atugassanik nassuiaalluta webinaareqartitsissaagut.
Ajugaaniunneq taamaallaat nutaaliorsinnaanermik iPad-imillu atuisinnaanermik piumasaqaatitaqarpoq. Kivitsisa aamma atuarfinnut tamanut mikrofuuninik nassiussuivoq, atuartut taamaalillutik podcast-inik pitsaasunik nipitalinnik, sanaartorsinnaalissapput, aammalu nuannaarutigisinnaasaminnik. Ajugaaniunnermi peqataanissamut mikrofuuninik atuinissaq piumasaqaataanngilaq.
Podcast-imut piumasaqaatit aalajangersimasut aallaavigalugit jury-mit nalilersorneqartussaapput, tassani ilaapput speak, oqaluttuaq aamma nipinik tulluartunik atuineq. Kingusinnerpaamik 27. februar tunniussisoqartussaavoq.
Tamanillu pitsaanerpaaq: Ajugaasut podcast’iliaat KNR Raatiumi aallakaatinneqartussaavoq!
Paasissutissat annertunerusut, atortussat aamma isummassarsiffissat www.AtuartutNipaat.gl-mi nassaarineqarsinnaapput.
Webinar
Aqagu 8. januar nal. 14.30 webinareqartitsissaagut!
Webinaarimi ajugaaniunneq aamma nittartagaq atuartutnipaat.gl naatsumik nassuiarneqassapput. Tassani atortussat nassuiassavagut, sakkut pingaarnerit takutissavagut aammalu sooq podcast atuartitsinermi sakkuusoq atorluarneqarsinnaasoq nassuiassallutigu. iPad-ip aamma podcast-ip atornissaanut sungiussisimanissat anguniagaavoq, taamaalillutit atuartuutitit peqatigalugit ajugaaniunnermi ajornanngitsumik peqataasinnaassaatit.
Ugguuna webinaarertitsinermi peqataaniarlutit nalunaarit: https://calendly.com/johannd123/oplysning-atartut-nipaat?month=2026-01
