Ilinniartitaanermut Aqutsisoqarfiup Vitec MV isumaqatigiissuteqarfigivaa, tamatumalu malitsigisaanik ilinniarfeqarfiit tamarmik 1. september 2025 aallarnerfigalugu atuarnermut allannermullu ikiuummut IntoWords-imut akeqanngitsumik isersinnaalerput.
Atuutsitsilernermi qallunaat oqaasii aallarniutaassapput – kalaallillu oqaasii ullormit siullermit ilanngunneqassallutik
Aallaqqaataaniilli IntoWords oqaatsini arlaqartuni, ilaatigut qallunaat tuluillu oqaasiini, sakkugineqarsinnaasunik tamanik peqareersoq atulerneqarsinnaavoq. Tamatumunnga peqatigitillugu 1. september 2025 aallartiffigalugu kalaallit oqaasiisa programmimut ilanngunneqarnissaannut ineriartortitsilluni sulineq aallartinneqassaaq. Makkua ilaatigut ineriartortinneqassapput:
- Allassimasunik nipinngortitsisarneq kalaallisoortoq
- Kalaallit oqaasiinut siunnersuutit
- Kalaallit oqaatsinut teknologiivinik allanik ilanngussineq
IntoWords-imi atortut ilaat
IntoWords-imik atuisut ukununnga atortunut isersinnaalissapput:
- Nipinngortitsisarneq, highlight-imik atuuffittalik
- Allannerup ingerlanerani atuffassineq oqaatsinillu siunnersuutit
- Allannermut/utertaanermut ikiuut ordbogertalik
- Assini PDF-inilu allatanik OCR-imik scanniisarneq
- Atuisut ataasiakkaat pisariaqartitaannut tulluarsaaneq
Imatut isertoqarsinnaavoq
IntoWords qarasaasiani, tablet-ini mobil-inilu atorneqarsinnaavoq, app-itullu aaneqartussaalluni.
Uunga iserit Intowords iserfissarlu ”log in” qullermi talerperlermiittoq toorlugu ilitsersuutit malikkit.
- Ilinniartut ilinniartitsisullu GUX-ini, Inuussutissarsiutitigut ilinniartitaanerni (EUD) Ilisimatusarfimmilu: MitID imalt. Lokal login atorlugu isissapput.
- Meeqqat atuarfiani atuartut: Unilogin imalt. Lokal login atorlugu isissapput.
- Meeqqat atuarfiani ilinniartitsisut: MitID imalt. Lokalt login atorlugu isissapput.
Isernissamut erseqqinnerusumik ilitsersuut una aamma aasinnaavat login guide IntoWords (pdf).
Isernissamut ikkussuunnissaanullu ikiorneqarnissamik pisariaqartitsisoqartillugu, atuarfinni it-mut akisussaasup imaluunniit Ilinniartitaanermut Aqutsisoqarfiup allaffeqarfiani ikiorsiisinnaasut attaveqarfigineqarsinnaapput support@attat.gl.
Malugiuk! Eqqumaffigineqassaaq, programmip atorsinnaalernissaanut kommunit namminneerlutik dataaftalit akuerissammatigit. Tamatumunnga Ilinniartitaanermut Aqutsisoqarfik kommunenut ilisimatitsinikuuvoq.
Kursusit piginnaasaqarfiillu ineriartortinneri
Atuutsitsilerneq ikorfartorumallugu Ilinniartitaanermut Aqutsisoqarfik IntoWords-ip atornissaanut kursusinik neqerooruteqarumaarpoq, atuartitsisunut immikkullu ilinniagalinnut sammitinneqartunik.
Kursuserfissat:
- Sap. ak. 40: Nuuk
- Sap. ak. 42: Ilulissat
- Sap. ak. 43: Aasiaat
- Sap. ak. 44: Sisimiut
- Sap. ak. 45: Qaqortoq
Ilinniarfiit akuersissummik peqareersut suli isersinnaapput – akiliinatik
Atuarfiit arlaqartut IntoWords-imik atuisooreerput. Taakkua suli isersinnaassapput, taamaattorli siunissami namminneerlutik akiliuteqartassanngillat, Ilinniartitaanermut Aqutsisoqarfiup aningaasartuutit tamaasa matusussaammagit.
Apeqqutissaqarpit imaluunniit paasissutissanik annertunerusunik pisariaqartitsivit?
Attavissaq: Mette Larsen Lyberth, naqinnernik ilisarsisinnaanngitsunut suliniuteqarfimmi aqutsisoq
Mail: mell@nanoq.gl
Oqarasuaat: (+299) 34 62 78
