Atuarfimmi Nunat Avannarliit atuartitsinermut siunertaqarluni nittartagaavoq akeqanngitsoq, Nunani Avannarlerni peqatigiinnermut nunallu taakkua pillugit ilisimasanik siuarsaaffiusoq – aammalu kalaallit oqaasii atorlugit atuarneqarsinnaasoq. Atuartitsinissamut ilisimasanik aallerfissiap ilinniusiat, projektit sammisaqartitsinerillu aqqutigalugit atuartut Nunat Avannarliit inuiaqatigiittut oqaluttuarisaanerannik, kulturiannik, oqaasiinik inuiaqatigiinnilu pissusiinik ilinniagaqarnissaannut periarfissippai.
Atuartitsinissamut ilisimasanik aallerfissiap ilaatigut makkua neqeroorutigai.:
- Atuartitsinermut atortussiat: Nunat Avannarliit pillugit atuartitsinissamut paasissutissat, ilisimasanik tunngavilersukkat.
- Sammisaqartitsinerit: Projektit, Nunani Avannarlerni atuarfiit akornanni suleqatigiinnermut paarlaaqatigiinnissamullu siuarsaataasut.
- Atuartitsinissamut isumassarsiorfiit: Sammisat Nunanut Avannarlernut tunngassuteqartut qanoq atuartitsissutini assigiinngitsuni akuutinnissaannut isumassarsiat sakkussallu.
Atuartitsissutini assigiinngitsuni ilinniusiat kalaallisut oqaasertallit
Atuarfimmi Nunat Avannarliit atuartitsissutinut assigiinngitsunut arfineq-marlunnut ilinniusianik peqarpoq, Nunani Avannarlerni oqaatsinut tamanut nutserneqarsimasunik, aamma kalaallit oqaasiinut. Nittartagaanni Norden i Skolen-imi teqeqqumi qullermi talerperlermi oqaatsit toqqarsinnaavatit.
Nunani Avannarlerni tamani klassit ikinngutigiit
Atuarfimmi Nunat Avannarliit aqqutigalugit atuarfimmi klassimut, Nunani Avannarlerniittumiittumut allamut attaveqalersinnaavutit. Klassimik ikinnguteqalernikkut periarfissarpassuit ammaanneqartarput – ilikkagassatigut, kulturikkut inooqatigiinnikkullu.
Filmit naatsut amerlasuut
Atuarfimmi Nunat Avannarliit portaaleqarpoq nunat avannarlermiut filmeeraliaannut nunarsuarmi annersaasumut iserfiusinnaasumik. Taamaattumik ilinniusiat amerlanerpaartaat filminut naatsunut format atorlugu suliaapput.
Siunertaq
Nunani Avannarlerni suleqatigiinnerup paaseqatigiinnerullu nukittorsarneqarnissaat siunertaavoq –
tamannalu atuartut Nunanik Avannarlernik ilisimaarisaqarnerulersinnerisigut ingerlanneqassaaq. Ilisimasanik aallerfissiaq ilinniusianik, atuartitsissutit klassillu akimorlugit atorneqarsinnaasunik, neqerooruteqarpoq kulturit, oqaatsit inuiaqatigiinnilu pissutsit akimorlugit Nunanik Avannarlernik paasiniaanissamut atuartunik kajumilersitsisunik.
Paasisaqarnerugit
Ilinniartitsisutut qanoq ilillutit Atuarfimmi Nunat Avannarliit atuartitsininni atornerulersinnaanerit pillugu paasisaqarnerusinnaavutit, taakkua nittartagaat Norden i Skolen iserfigalugu.
