Ilisimasanik piginnaasanillu qaffassaaneq, nuna tamakkerlugu naqinnernik ilisarsisinnaanngitsunut allatigullu atuarnikkut allannikkullu ajornatorsiutilinnut iliuusissiami suliassaqarfiit pingaarnerit ilagaat.
Kalaallit Nunaanni Ilinniartitaanermut Aqutsisoqarfiup aamma Professionshøjskolen Absalonip suleqatigiillutik piginnaasatigut qaffassaaneq ukiuni arlalinni ingerlasussaq pilersippaat. Taassuma naqinnernik ilisarsisinnaanngitsunut allatigullu atuarnikkut allannikkullu ajornatorsiutilinnut suliniuteqarnissaq nukittorsassavaa. Piginnaanngorsaaneq nuna tamakkerlugu pissaaq, tassa atuarfiit, ilinniarfiit, susassaqarfiit aqutsisoqarfiillu akimorlugit.
Siunertaq:
- Ilikkagaqarniarmi avatangiisit eqaatsut allanngorarsinnaasullu.
- Sulisut atuarniarnermut allanniarnermilu ajornartorsiuteqartunik sullissinermut piginnaasaasa nukittorsarneqarnissaat.
- Ilisimasat suleriaatsillu suliffeqarfimmi atuutilersinnissaat – pisortaniit atuartitsinermut.
Piginnaasatigut qaffassaaneq pingasunik sammiveqarpoq:
1. Aqutsisunut pisortanullu sammisoq - Atuarfimmi aqutsisunut ilinniarfinni aqutsisunut aamma aqutsisoqarfinni peqataasussanut.
Pisortanut sammisumi, atuarfinni ilinniarfinnilu ineriartortitsinissamut sinaakkusiinissaq siunertaavoq, ilaatigut:
- Sulisut peqataatinneqarnissaannut pitsaanerusumik periarfissiineq sinaakkusiinerlu.
- Qinnuteqarnermut suliassallu pillugit oqaloqatigiinneq.
- Ilisimasanik nutaanik atuutilersitsineq ataqatigiissitsinerlu.
- Oqaatsinik atuinermi ataatsimoorussanik suleqatigiinnermillu pilersitsineq.
Pikkorissaaneq webinaritut ingerlasussaq 6x2 tiiminik sivisussuseqarpoq.
Pikkorissarnermut paasissutissat allat uani takuneqarsinnaappu: Pisortanut aqutsisoqarfinnullu sammisoq - atuarfiit pisortaannut, ilinniarfiit pisortaannut aqutsisoqarfinnilu sulisunut
Powerpoint: Oversigt over initiativer
2. Ordblindevejlederit misilitsitsisinnaasut - sulisunut
Ordblindevejlederitut pikkorissarnerup siunertaraa, pikkorissartussap atuarnermut pædagogikkimi sulineq nammineerluni ingerlassinnaassagaa soorlu:
- atuartitsinissamik siunnersuinissamillu pilersaarusiorneq aaqqissuussinerlu
- atuarnermut ilikkariartornerullu ingerlanganik ineriartortitsineq ingerlatsinerlu
- didaktikimik suliaqarneq inuttullu peqataatitsineq
- naqinnernik ilisarsisinnaannginnermut paasissutissanik siammarterineq
Suliffeqarfinnut tunngatillugu namminerisamik suleriaatsinik ineriartortitsineq
Pikkorissaanerit internatitut (sumiiffimmi katersuunnikkut) aamma onlinekut ingerlanneqassapput. Pikkorissarnissamut paasissutissat peqataanissamullu nalunaarfissaq februari 2026 naalerpat Iserasuaammut ilineqassapput.
3. Tunngaviusumik pikkorissarnerit – ilinniartitsisunut siunnersortinullu -ilinniarfiit akimorlugit ilinniartitsisunut siunnersortinullu piginnaanngorsaanerit
Suliniummi ilinniartitsisut, siunnersortit aqqutissiuussisartullu naqinnernik ilisarsisinnaanngitsunik allatigullu allattaatsimik atuinermi ajornartorsiutilinnut sullisarnerminni pisariaqartitaat naapigiarniarneqarput. Pisariaqartitat tassaasinnaapput tunngaviusumik ilisimasaqalernissaq imaluunniit sullissanut itisuumik immikkuullarissumillu piginnaanngorsarneq.
Siunertaavoq:
- ilinniartitsisut tunngaviusumik ilisimasassaanik pisinnaasaannillu qaffassaaneq
- naqinnernik ilisarsisinnaanngitsunik atuartitsinermi piginnaasanik ineriartortitsineq (ass. oqaatsinik ilinniartitsisut)
- inuiaqatigiinni innuttaasut pisinnaatitaaffiinik inatsisitigullu periarfissanik ilisimasaqarnerulersitsineq (ass. sullissisut/sagsbehandlere).
- siunnersuinermi piginnaasanik pitsanngorsaanerit, soorlu tapersersuinermi periaatsinik aamma misigissutsikkut tapersersuinerit.
Pikkorissaanerit internatitut (sumiiffimmi katersuunnikkut) aamma onlinekut ingerlanneqassapput.