Siunertaq
Ordblindevejlederitut pikkorissarnerup siunertaraa, pikkorissartussap atuarnermut pædagogikkimi sulineq nammineerluni ingerlassinnaassagaa soorlu:
- atuartitsinissamik siunnersuinissamillu pilersaarusiorneq aaqqissuussinerlu
- atuarnermut ilikkariartornerullu ingerlarnganik ineriartortitsineq ingerlatsinerlu
- didaktikimik suliaqarneq inuttullu peqataatitsineq
- ·naqinnernik ilisarsisinnaannginnermut paasissutissiineq
- suliffeqarfinnut tunngatillugu namminerisamik suleriaatsinik ineriartortitsineq
Pikkorissaanerit alimmasissumik (onlinekut) aamma sumiiffimmi katersuulluni atuartitsinikkut ingerlanneqassapput.
Modulit, sumiiffik ullullu
|
|
Modul 1
|
Modul 2 |
Modul 3 |
|
Nuummi internat Ullut 3 |
8-10. sept. 2026
|
18-20. maj 2027 |
28-30. marts 2028 |
|
Virtuelt tjek-in |
18. sept. 2026 (1 time) 28. sept. 2026 (1 time) |
|
|
|
Onlinekut atuarneq |
8 x 3 timer |
8 x 3 timer |
8 x 3 timer |
Piareersimaffissaq: Ullut siunnersuutaannaapput, allanngortoqarsinnaannera piareersimaffigineqassaaq.
Imarisaa
|
Modul 1 |
Allattaatsimik pigiliussiartornissamut piginnaasaqarfigiligassat Allattaatsimik atuisinnaanermik ajornartorsiuteqartut taannalu pillugu inuttut kingunerluuteqalerneq, siusissukkut pasitsaassinnaajumallugit meeqqat oqaaseqaleriartornerat atuarsinnaaleriartornerallu ataatsimut sammissavagut. Siusissukkut iliuuseqarneq, allanngorartumik atuartitsineq aamma susassaqarfiit akimorlugit suleqatigiinneq eqqartussavagut. |
40 lektioner |
|
Modul 2 |
Naqinnernik ilisarsisinnaannginneq allallu atuarnikkut ajornartorsiutit Naqinnernik ilisarsisinnaannginnerup ilisarnaataanik paasinninnerlu kiisalu inuttut kingunerluutinik suliaqartarneq nangissavarput, tassunga ilaatillugit naqinnernik ilisarsisinnaannginnermut aallaaviit. Taamattaaq suliniutinik assigiinngitsunik atuartitsinerullu pitsanngorsaaviginissaata imarisaanik suliaqassaagut. Siunnersuinermik susassaqarfiillu akimorlugit suleqatigiinnermik aamma suliamik ilisimasallit suleriarsinnaanerannik suliaqassaagut. Inatsisit sinaakkutillu aamma qiviassavagut. |
40 lektioner |
|
Modul 3 |
Atuarfik naqinnernik ilisarsisinnaannginnermut tulluussagaq Taaguut eqaatsumik ilikkagaqartitsiniarluni avatangiiseqarneq itisiliiffigisssavarput. Atuartut allattaatsimik ajornartorsiutillit ikorfartorsinnaajumallugit allannermut atuarnermillu periutsinik aallaaveqarluni atuaritseriaatsit misissussavagut. Inuttut kingunerluutit inuunermut inuunermut ilaasutut misissussavagut kiisalu siunnersuinermut susassaqarfiillu akimorlugit suleqatigiinnermut atatillugu akuutitsisarneq innarluuteqarnermullu taaguutit eqqartussallutigit. |
40 lektioner |
Paasissutissat allat
Pikkorissarneq qallunaatut ingerlasussaq Professionhøjskolemit Absalonimit ingerlanneqassaaq.
Atuartitsissapput: Carina Vallentin Degn & Julie Fredsø-Rauer.
Nalunaarneq ilinnialernermullu tigutinneq
Ilinniartitaanermut Aqutsisoqarfik pikkorissaanermik ataqatigiissaarissaaq. Nalunaarneq marloqiusaavoq:
- Pisortap peqataasussaq Ilinniartitaanermut Aqutsisoqarfimmut kingusinnerpaamik 15. marts nalunaarutigigallassavaa, ugguuna linkikkut: https://forms.gle/Lp5sPqCRBkXQe22j9
- Absalonimut kingusinnerpaamik 1. juni 2026 nalunaarneq.
Ilinniartitaanermut Aqutsisoqarfiup peqataasussanut nalunaarfissaq nassiutissavaa.
Augustip qeqqata missaani 2026 peqataasussanut akuerisaanermut allagartaq nassiunneqassaaq.
Ilinniartitaanermut Aqutsisoqarfiup pikkorissaaneq akilissavaa. Annerpaamik 20-t peqataasinnaapput.
Ilinniartitaanermut Aqutsisoqarfiup Nuup avataaniit peqataasussat nuuliarnissaat, ineqarnissaat pikkorissarnerullu nalaani nerisat isumagissavai. Ullormusiat sulisitsisumit isumagineqassapput.
Apeqqutissaqaruit atuarfinnut siunnersorti Birthe Lyberth uunga mailimut attavigisinnaavat:
bily@nanoq.gl tlf.nr. (+299) 34 62 53
