Ilinniartitaanermut Aqutsisoqarfimmiit nalunaarutigisinnaanngorparput IntoWords maanna kalaallisut qulequtsersorneqareerluni atorsinnaanngormat.
September 2025 aallarnerfigalugu IntoWords atuarnermi allannermilu ikiuutaasinnaasoq Kalaallit Nunaanni ilinniartoqarfiit tamarmik akeqanngitsumik atorsinnaalerpaat.
Suli annertunerusumik ineriartortinniarlugu maanna programmi kalaallisut ikiuutilersorlugu suliarineqarpoq. Ilaatigut ikkuussuunneqarlutik:
- Allassimasunik nipinngortitsisarneq kalaallisoortoq
- Kalaallit oqaasiinut siunnersuutit
- Kalaallit oqaatsinut teknologiivinik allanik ilanngussineq
Suliniutip ingerlanerani, suli IntoWords-ip atuuffii oqaatsini allani atorneqarsinnaapput ilaatigut danskisut tuluttullu.
IntoWords-imi atortut ilaat
IntoWords-imik atuisut ukununnga atortunut isersinnaalissapput:
- Nipinngortitsisarneq, highlight-imik atuuffittalik
- Allannerup ingerlanerani atuffassineq oqaatsinillu siunnersuutit
- Allannermut/utertaanermut ikiuut ordbogertalik
- Assini PDF-inilu allatanik OCR-imik scanniisarneq
- Atuisut ataasiakkaat pisariaqartitaannut tulluarsaaneq
Imatut isertoqarsinnaavoq
IntoWords qarasaasiani, tablet-ini mobil-inilu atorneqarsinnaavoq, app-itullu aaneqartussaalluni.
Uunga iserit Intowords iserfissarlu ”log in” qullermi talerperlermiittoq toorlugu ilitsersuutit malikkit.
- Ilinniartut ilinniartitsisullu GUX-ini, Inuussutissarsiutitigut ilinniartitaanerni (EUD) Ilisimatusarfimmilu: MitID imalt. Lokal login atorlugu isissapput.
- Meeqqat atuarfiani atuartut: Unilogin imalt. Lokal login atorlugu isissapput.
- Meeqqat atuarfiani ilinniartitsisut: MitID imalt. Lokalt login atorlugu isissapput.
Isernissamut erseqqinnerusumik ilitsersuut una aamma aasinnaavat login guide IntoWords (pdf).
Isernissamut ikkussuunnissaanullu ikiorneqarnissamik pisariaqartitsisoqartillugu, atuarfinni it-mut akisussaasup imaluunniit Ilinniartitaanermut Aqutsisoqarfiup allaffeqarfiani ikiorsiisinnaasut attaveqarfigineqarsinnaapput support@attat.gl.
