GUX: VR atuartitsinermi atortussat

Nuup Kangerlua pillugu VR atuartitsinermi atortussaq
Silap Pissusianik Ilisimatusarfik atuartitsinermi atortussaq Nuup Kangerluani sermeq iigartartoq pillugu, annerusumik biologi/sciencemut. Inerisarsimavaat. Atortussaq tamanit pissarsiarineqarsinnaavoq, Silap Pissusianik Ilisimatusarfiullu nittartagaa www.GCRC.gl aqqutigalugu, Education ataani, download-erneqarsinnaalluni.
Atortussap imarivaa Virtual reality, piviusuliaq spil-eq, mappersagaq (ilisimatusartup pisunik allattaavia) atuartitsinermi atugassaq, oqallinnermut ingerlaartumut, suliniummi suliaq imaluunniit suliami ingerlaartumi meeqqat atuarfianni angajulliunerusuni (10 klassit), imaluunniit ilinniarnertuunngorniarfimmi.
Ilisimatusartup pisunik allattaavia atuartumut angalanermi ilitsersuut imarivaa, atuartut VR-spilimi suliassat aqqutigalugit ilitsersorneqarlutik, silap pissusianik ilisimatusartunit Johannes aamma Vitusimit, piniartorlu Malik oqaluttuat aqqutigalugit, aamma ilisimatusartup pisunik allattaaviani ilisimatusarnermi angusat aqqutigalugit. VR-angalaneq (spil-eq) suliassanik pingasunik imaqarpoq, pingasunik assigiinngitsunik nalunassusialerneqarsimallutik, suleqatigiinnikkut kisimi inernilerneqarsinnaallutik, atortussallu pitsanngorsakkanik klassimi paasinninnikkut.
Klassemi atuartut (minnerpaamik atuartoq ataaseq) angusaq anguneqartoq atuartumut VR-isarussanik tigummiaqartumut ingerlateqqittussaavaat, VR-spilimi suliassat inernilerniassallugit. Patajaatsumik imaluunniit internetimut attaveqaammik sukkasuumik, VR-spileq spil-issallugu, pisariaqanngilaq.
Mappersakkap VR-spilillu nunatsinni kangerluk, Nuup Kangerlua, aallaavigivaa, qallunaatullu kalaalisullu suliagaallutik.
Atortussat gcrc.gl-imi aaneqarsinnaaneri saniatigut, periarfissaavoq Oculus Quest (VR) isarussat atuartitsinissamut Silap Pissusianik Ilisimatusarfimmit, atorsinnaanissaat. doso@natur.gl. attaveqarfigiuk.