Ilinniusiorfiup ibogia app-inngorluni saqqummerpoq

Nuna tamakkerlugu digitalimik periusissiami suliniutigineqartut ilagaat ilinniusiat digitalimik iserfigineqarsinnaalernissaat.
2020-mi marsip ingerlanerani ibogi nittartakkatigut iserfigineqarsinnaalerpoq, tassanilu Ilinniusiorfiup ilinniusiai aalajangersimasut takuneqarsinnaalerput.

Ibogi www.ibog.ila.gl aqqutigalugu iserfigineqarsinnaavoq. Maannakkullu ibogi app-inngorluni saqqummerpoq.
Ibogip app-iata saqqummernerata kingorna atuartut ilinniartitsisullu interneteqanngikkaluarlutik atuakkat aanikuusatik sumiluunniit qupperarsinnaalerpaat. Ilinniusiat ibogimiittut klassinit tamanit atorneqarsinnaapput.

Ibogip app-ia ILA i-bog iOS-inngorlugu App Storekkut aaneqarsinnaavoq.
Pisarneq malillugu ibogi UniLogin atorlugu iserfigineqarsinnaavoq. App-i inerisarneqartuartassaaq.

Ibog pillugu annertunerusumik paasisaqarusukkuit saaffissat tassaapput Ilinniusiorfimmi aqutsisoq Mette Rasmussen Larsen, merl@nanoq.gl –imut imaluunniit 34 62 91 aamma Ilinniusiorfimmi aaqqissuisoq Anna Karina Kâjangmat Lyberth akly@nanoq.gl –imut imaluunniit 34 61 48.