airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Atuarfinnut paasissutissaq

Ukiumi atuarfiusussami 2021-2022-mi, Ilinniusiorfiup ilinniusiaanik inniminniineq
21. maj 2021

Ilinniusiat Ilinniusiorfiup saqqummersitai Ilinniartitaanermut Aqutsisoqarfiup lageriani uningasuutigineqartarput. Lagerip suliassarai ilinniusiat tikinnerini, uninganerinilu suliassat aammalu inniminnikkanik poortuinerit, taakkuninngalu nassiussuinerit. Ilinniusiat imarisaannut, atorneqarnerinullu apeqqutit Ilinniusiorfimmut saaffiginnissutaassapput.

Ilinniusiap inniminniinermi normua(Bestillingsnummer)

Ilinniusiat tamarmik immikkut inniminniinermi normoqarput. Uninngasuutit lagerimi passunnerini, inniminniinermut normut (bestillingsnummer) kisimik najoqqutarineqartarput. Taamaattumik ilinniusianik inniminniinermi ilinniusiat inniminniinermi normui ilanngullugit allanneqartarnissaat, pingaaruteqarpoq. ISBN-normut lagerimi suliaqarnermi atorneqanngillat.

Ilinniusiat uninngasuutit allattorsimaffiat Iserasuaat.gl -mi aaneqarsinnaavoq. Ilinniusiat normui tassani takuneqarsinnaapput. https://iserasuaat.gl/emne/folkeskole/ilinniusiorfik_uvmat/ilinniusiorfik_materialer?sc_lang=kl-gl

Nassiussuineq

Ilinniusianik nassiussuineq B-post atorlugu pisarpoq. Inoqarfinnut umiarsuarnik tikinneqarneq ajortunut, soorlu ukiuunerani, imaluunniit inoqarfinnut qaqutigut umiarsuarnik tikinneqartartunut nassiussassat, timmisartukkut nassiunneqartarput (A-post).

Ukiumut atuarfiusussamut 2021-2022 -imut inniminnikkat

Ukiumut atuarfiusussamut 2021-2022 -imut inniminnikkat tigooralereerpagut. Kissaatiginaqaaq ukiumut atuarfiusussamut tullermut inniminnikkasi siusinaartumik uagutsinnut nassiunnissaat. Ukioq atuarfiusussap tulliup aallartinnerani atortussasi tigoreersimanissangassigit.

Inniminnikkat lagerimut apuussorneri najoqqutaralugit suliarineqartarput. Inniminnikkat umiarsuakkoortillugit nassiussinnaasat umiarsuakkuussapput. Aamma inniminnikkat augustimi tigusagut.

Inniminnikkanik emailikkut nassiussiffissaq ila@nanoq.gl

Nuummi meeqqat atuarfiinit inniminnikkat

Nuummi meeqqat atuarfiisa ukiumut atuarfiusussamut tullermut inniminningaat, augustip aallartilaarnerani atuarfinnut apuussorneqassapput.


Aamma atuarsinnaavatit