airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Kalaallisut systemi nutaaq - Tumi 1. kl.

Ilinniusiorfiup 1. klassinut kalaallisut systemimi 'Tumi'-mi saqqummersitassat kingulliit inaarsarnialerpai.
9. februar 2022

Ukioq 2021 Ilinniusiorfimmut meeqqat atuarfiini atuartunut nukarlernut kalaallisut systemip immikkoortuanik siullermik suliaqarnermik ulapiffiusimaqaaq. Isiginnaagassani matuma ataaniittuni systemi tamakkerlugu atortussallu ataasiakkaat qanoq atorneqarsinnaanersut paasisaqarfigisinnaavatit.

2021-mi atortussat atuarfinnut agguaanneqarsimasut

Atuartuuneq: 1128-01-01
Atualernermit ukiaanerani atuanngiffeqarnissap tungaanut atugassiatut naatsorsuussaq.
Naqinnerit: 1128-01-02
Ukiaanerani atuanngiffeqareernermit aasaanerani atuanngiffeqarnissap tungaanut atugassiatut naatsorsuussaq.
Atuartitsinermut ilitsersuut: 1128-01-03
Ilitsersuut quppernermit quppernermut ilitsersuutitalik. Atuakkami Tumi 1.klassinut nassuiarneqarpoq atortussiallu atorneqarnissaannut siunnersuuteqarluni.
Nipit pinngorfii: 1128-01-04
Ilinniartitsisumut quppersagaq. Atuakkami kalaallisut oqaatsini nipit pinngorfii sukumiinerusumik nassuiarneqarput.
Naqinnerit plakatinngukkat: 1128-01-09
1.klassimit 3.klassimut atugassiat.
Naqinnerit nipaasa ussersuutaat plakatiliat: 1128-01-10
Plakatit aalasulianngorlugit aamma saqqummersitaapput. 1.klassimit 3.klassimut atugassiat.
Sammisassatut siunnersuutit kopiigassallu: 1128-01-11
Atuartitsinermi naqinnerit sammineqarnissaannut siunnersuutit kopiigassallu quppersakkami takuneqarsinnaapput.

2022-mi atortussat atuarfinnut agguaanneqartussat

Atuagarsuaq – Atuffassissut: 1128-01-05
Atuagarsuaq atorlugu atuartut sapaatip akunneranut ataasiarlutik atuffanneqartarnissaannut oqaluttualiaq. Oqaluttuat sammineqarnissaannut siunnersuutit atuagarsuarmi ilaareerput.
Atuagaaraq 1 – Sikumukarneq: 1128-01-06
Atuartunut atuffarissaat siulleq.
Atuagaaraq 2 – Puisiaraq: 1128-01-07
Atuartunut atuffarissaatit aappaat.
Atuagaaraq 3 – Illuaqqiarneq: 1128-01-08
Atuartunut atuffarissaatit pingajuat.

Atortussat tamarmik Ilinniusiorfiup ibogiani nanineqarsinnaapput, atortussallu 2021-meersut naqitatut Ilinniusiorfiup inniminniisarfianut inniminnerneqarsinnaapput.

Iserfissat

Ilinniusiorfiup ibogia
Ilinniusiorfiup inniminniisarfia
Kalaallisut systemi nutaaq - Tumi 2. kl.

Annertunerusumik paasisaqarusukkaanni saaffigisassaq:
Aaqqissuisoq Arnánguak Lyberth
Mail: arly@nanoq.gl
Oqarasuaat: 34 62 82


Aamma atuarsinnaavatit