Nunatta Atuagaateqarfia ataasinngorneq 21. August nal. 15.30-16.30 alakkaruk peqataallutillu meeqqat inuusuttullu suliaat 30-iusut saqqummersinneqarnerani ammaanersiornermi, Hinnarik Kammanilu nipilersortut tusarnaarlugillu oqaloqatigisigit!
Suliat titartagaapput nuna tamakkerlugu meeqqaniit inuusuttuniillu Ilinniartitaanermut Aqutsisoqarfiup logoliornermik unammisitsineranni nassiunneqartut, siorna nuna tamakkerlugu pimmatiginninneq akiorniarlugu periusissiap piviusinngortinniarneranut atatillugu aaqqissuussarput.
Titartakkat meeqqat atugarissaarnissaannut oqaluttuartuupput qulequttamullu paasisaqarnerunissamut tunngasuullutik. Ilutigalugu pimmatiginnittarneq qanoq akiorneqarsinnaanersoq innersuutaapput aammalu assigiinngissuseq qanoq ataatsimoorfigineqarsinnaaneranut takutitsisuullutik.
Meeqqat titartagaat akaareqatigiinnissamik, inoqammik pingaartitsinissamik ataqqeqatigiinnissamillu oqariartuuteqarput.
Nunatta Atuagaateqarfia saqqummersitsineq atuakkanik pimmatiginninnermut kanngunarsaanermullu tunngasunik ilassuteqarput, qulequtarlu pingaarutilik meqqat inuusuttullu atugarissaarnissaasa ukkatarineqarnissaat pingaartinneqarlutik.
Takunissat qilanaaraarput!
Ilinniartitaanermut Aqutsisoqarfimmi pimmatiginninneq akiorniarlugu periusissiamik suliallit
| Programmi |
| Nunatta Atuagaateqarfia/Grønlands Landsbibliotek, Imaneq 26 |
| Nal. 15.30 - 15.40 Tikilluaqqusineq ammaanermilu oqalugiarneq, Karen Mathiesen Ilinniartitaanermut Aqutsisoqarfimmiit |
| Nal. 15.40 - 16.00 Hinnarik Kammanilu nipilersornerat |
| Nal. 16.00 - 16.15 Meeqqat pimmatiginnittarneq qanoq akiorneqarsinnaaneranut siunnersuuteqassapput |
| Nal. 16.15 - 16.30 Hinnarik Kammanilu nipilersorlutik naggasiissapput |
