Aasaanerani silap naakkittaannersua – sialussuit, qarsutsinerit, aatsaat taama kiatsiginera nunanilu arlalinni ikuallannernik kingunilinnik panernersuaqarnera – pillugit nutaarsiassiinerit imaaginnavipput.
Ukiorlu atuarfiusoq nutaaq aallartimmat klima pillugu apeqqutissaqartoqaqaaq.
Taamaattumik meeqqat inuusuttullu klima pillugu oqallinnerit annertusiartuinnartut pillugit ilisimatinneqartarnissaminnik, tamakkununnga peqataanerminni tusaaneqartarnissaminnik oqallinnernullu taamaattunut peqataasussaanerminnik misigisimanissaat pingaaruteqarpoq.
Tamannattaaq pissutigalugu Ilinniartitaanermut Aqutsisoqarfiup atuarfiit sapaat-akunnerani sammisaqarnissamut sap. ak. 39-mi aallartittussamut peqataaqqullugit kajumissaarpai.
Klima pillugu sapaatip-akunnerani sammisaqartitsinissamut 8. klassimit 10. klassimut atuartut klimap pissusiata allanngoriartorneri pillugit ilinniarnissaat tamatumalu Issittumut nunarsuarmullu sunniutipiluinik paasisimasaqalernissaat siunertarineqarput.
Atuartitsinermi atortussat
Atuartitsinermi atortussat ukunani iserlusi aasinnaavasi:
Paasisaqarnerorusuttunut attaveqarfissaq:
Atuarfinnut siunnersorti Ane Fleischer
Email: afle@nanoq.gl
Telefon: (+299) 34 62 02
