Raketsimut avataarsualiartaammut ikigit, qiteruserlutit avataarsualu pillugu unammisitsinerit pissanganarnersaannut piareerlutit!
Kodit atorlugit unammisitsineq MISSION ULTRA:SPACE – oqarluaannarta – aallartinneqangajalerpoq.
Atuartut nunatsinneersut kodinik suliaqarsinnaapput, BBC micro:bitsimillu suliatik misilerartillugit, qallunaat avataarsualiartartuannit Andreas Mogensenimit, ungasinngitsumi nunat tamalaat avataarsuani stationiannut ISS-imut aallangajalersumut.
Taassumami avataarsuanukaleruni BBC micro:bit nassassavaa, tappavungalu pilluni nunarsuarput kaavittussanngoruniuk misileraanissani qilanaareqalugu!
Imaasiortoqassaaq
Atuartut kodiliatik nassiuppatigit atuartut misilerarsimasaannit pitsaanerpaat tallimat Andreas Mogensenimit avataarsuani misilerarneqartussanngussapput.
- Unammisitsineq aggustip 25-anni aallartissaaq
- Atuartitsinerni (lektionini) arfinilinni pinngortitalerinermik atuartitsisoqassaaq
- Atuartut akulliit angajulliillu peqataasinnaapput
- Kodinik avataarsuani misilerarneqartussanik tunniussinissamut oktobarip ulluisa 9-at killigitinneqarpoq
Atuartut Kalaallit Nunaanneersut, Savalimmiuneersut Danmarkimeersullu unammisitsinermut peqataanissaminnut periarfissaqarput.
Atuartitsineq naammassineqarsimalerpat atuartut:
- Avataarsua oqimaassuseqannginnerlu pillugit ilinniartinneqarsimalissapput
- Stationimi avataarsuaniittumi najugaqarnerup qanoq issusianik paasisimasaqalissallutik
- BBC micro:bit atorlugu kodiliornermik misilittagaqalissallutik
- Misileraataasussamillu isumaliuteqarsimalissallutik
MISSION ULTRA:SPACE naggaserlugu atuartuutitit avataarsua pillugu ilisimasassanik tuniorarneqassapput, avataarsua, oqimaassuseqannginneq aamma BBC micro:bit atorlugu kodiliorneq pillugit ilisimasaqalissallutik.
Ultra:spacemik isumassarsiaq DR-imit ineriartortinneqarpoq European Space Education Resource Office (ESERO) Denmark aamma Astra suleqatigalugit.
Eqqaasaqarit
Puigugaqatsiarsimaguit paasissutissat amerlaneroqisut ukunani nanikkit:
- https://iserasuaat.gl/emner/folkeskole/fag-og-undervisning/teknologier_i_undervisningen/microbit?sc_lang=kl-gl
- https://teksperimentet.firebaseapp.com/video-gron-greenland/gronfilm1
Paasisaqarnerorusukkuit attavigiuk:
Ane-Kathrine Petersen
Atuarfinnut siunnersorti IT-didaktikki
(+299) 34 62 03
akpe@nanoq.gl
Rune Hvistendal Kristiansen
Siammaavimmi attaveqarnermut siunnersorti
(+299) 34 56 17
rukh@nanoq.gl
