Kalaallinut atuartunut Danmarkimiittunut ajornartoorfimmi paaqqinniffiugallartussamik pilersitsilerput

Namminersorlutik Oqartussat Galtrup efterskole suleqatigalugu kalaallinut atuartunut Danmarkimiittunut ajornartoorfimmi paaqqinniffiugallartussamik Langbjerggård Lejrskolemi Skive-p eqqaaniittumi pilersitsilerput.

Namminersorlutik Oqartussat Galtrup efterskole peqatigalugu ajornartoorfimmi paaqqinniffiugallartussamik Langbjerggård Lejrskole-mi Skive-p eqqaaniittumi pilersitsilerpoq.

Neqeroorut kalaallinut Danmatrkimi efterskolertunut ilaqutariinni attaveqarfiusuniikkallartunut kiisalu paarlaasseqatigiilluni nunani allani atuarsimallutik Danmarkimi akimmikkallarsimasunut angajoqqaarsiassaqanngitsiunullu sammisitaavoq.

Langbjerggård Lejrskole Skive-p eqqaaniittoq perorsaanikkut ilinniagalinnik ulloq unnuarlu kaajallallugu marlunnik sulisoqartinneqassaaq taakkualu sammisaqartitsillutillu atuartitsisassapput.

Lejrskoli immamut qanittumiippoq inuilaamiillunilu taamaattumik tunillatsinnissamut periarfissat annikipput. Paaqqinniffiugallartoq Skive-p qimutsuitsunut unittarfianut tikittunik aallertassaaq - taamaattumik Skive-mut atuartut qimutsuitsunut ilaasinnaapput.

Qitornarsi paaqqinniffiugallartumut nalunaarusuppat uku saaffigisinnaavaasi:

Galtrup efterskolemi pisortaq: Jens Hvid oqarasuaat +45 41 27 50 20

Imaluunniit

Ellen Jensen Karlsen, Ilinniartitaanermut aqutsisoqarfik e-mail: eljk@nanoq.gl imlt. Oqarasuaat +299 346212

Ajornartoorfimmi paaqqinnik atuartunik sisamanngorneq 26. marts 2020 nalunaaqutaq 16.00-imiit atuartunut ammassaaq maannakkuugallartorlu aprilip 13.-iata 2020-p tungaanut ammatinneqassalluni.