Ilinniartitaanermut Aqutsisisoqarfiup kalaallit oqaasiini, matematikkimi pinngortitalerinermilu misilitsissutissanik suliaqartitat inuttassarsiorpai. Misilitsissutissanik suliaqartitat 4-niit 6-nnut inuttaqartartut Ilinniartitaanermut Aqutsisoqarfimmut inaarutaasumik misilitsinnermi allaaserinermut siunnersuisuupput.
Ilinniartitaanermut Aqutsisoqarfiup pissarsiarerusuppai:
Ilinniartitsisut ilaasortaanissamut soqutiginnittut atuarfiup pisortaanut paasissutissat suliaqarnermut malitassat, akissaatit, angalanerit il.il. pillugit saaffiginnissinnaapput.
Ilaasortanngorusunnermut qinnuteqaatit atuarfiup pisortaanut tunniunneqassapput, taassuma Ilinniartitaanermut Aqutsisoqarfimmut ingerlateqqissavai. Qinnuteqarnissamut piffissaliussaq kingulleq tassaavoq tallimanngorneq 20. marts 2020.
Qinnuteqarfissaq qinnuteqartukippallaarnera patsisigalugu kinguartinneqarpoq, uunga: ataasinngorneq 20. april 2020.
mitCFU-mi filmit tv-kkullu aallakaatitat 45.000-nit amerlanerusut meeqqat atuarfianni ilinniarnertuunngorniarfinnilu atuartunut naleqquttuutitat isiginnaarsinnaavatit.
Aamma atuartitsinissamut ilitsersuutit atuartitsinerpit nalaani atorsinnaasatit 2.200-nit amerlanerusut nanisinnaavatit.
Ilinniartitaanermut Aqutsisoqarfiup efterskolenut ingerlatsivia, ilinniartitaaneq pillugu paasititsiniaanermut 2023-mi ingerlatsisoqarnissaanut, ilinniakkamik saqqummersitsisoqarnissamut peqataassaaq.
Tamakkerlugu atuarukSapaatip-akunnerani 39-mi klima pillugu sammisaqarnissaq 8. klassimit 10. klassimut atuartut klimap allanngoriartornerata Issittumut nunarsuarmullu sunniutipilui pillugit ilinniarfigisassaat aallartissaaq. Atuartut klima pillugu oqallinnerit pillugit ilisimatinneqartarnissaminnut pisinnaatitaaffeqarnertik, oqallinnerni taamaattuni tusaaneqartussaanertik oqallinnernullu taamaattunut peqataatinneqarsinnaanertik ilisimassavaat.
Tamakkerlugu atuarukKissaatigaarput ilinniartitsisut, atuartut, angajoqqaat atuarfimmilu aqutsisut ukioq atuarfiusussaq 2023 aallartilluassagaat atugarissaarnissaq pimmatiginnittarnerullu akiorneqarnera ukkataralugit. Pimmatiginninneq akiorniarlugu suliniuteqarnermi siunnersuutitsialaat arfinillit takukkit, aammalu atuartuutissi qanoq pitsaanerusumik atugarissaartinneqarsinnaanerunersut.
Tamakkerlugu atuarukNuna tamakkerlugu meeqqat inuusuttullu siorna nuna tamakkerlugu pimmatiginninneq akiorniarlugu periusissiamut atatillugu logoliornermik unammisitsinermi peqataapput. Maanna meeqqat suliaat unammisitsinermi suliat 30-usut Nunatta Atuagaateqarfiani saqqummersinneqarneranni ammaanersiornermi peqataasinnaavutit, Hinnarik Kammanilu nipilersussapput pimmatiginnittarnerlu pillugu oqaloqatigineqarsinnaassallutik.
Tamakkerlugu atuaruk