Coronap nalaani inuusuttuuneq
Atuartut suliaannik akissarsititsineq.
3. juni 2020
Ilinniartitaanermut Aqutsisoqarfiup atuartut, ilinniartitsisut atuarfiillu pisortaat "Coronap nalaani inuusuttuuneq" pillugu atuartut suliaannik upernaami 2020-mi nassiussaqarsimasut qutsavigai.
Angajullerni atuartuusut 50-it missaanniittut Kalaallit Nunaanniillu tamarmit pisut allakkanik, assinik, nipinik isiginnaagassiaaqqanillu kalaallisut, qallunaatut tuluttulluunniit oqaasertalersukkanik nassiussisimapput.
Suliat tunniunneqartut tamarmik atuarfinni atuarfiillu avataanni inuusuttut atugaat pillugit ilisimasanik katersuinitsinnut pissarsiaqarfiupput. Paasissutissat pissarsiarisagut Kalaallit Nunaanni suli atualinngitsuni, meeqqat atuarfiini, inuusuttullu ilinniarfiini atugarissaarnermut aamma qinngasaarisarneq pillugu pinaveersaartitsinermut nuna tamakkerlugu periusissiornerup ineriartortinnissaanut tunngavigineqartussanut ilanngunneqassapput.
Immikkut ittumik pissarsiaqarfiusunik ilanngussaqarsimasunut akissarsititsisimavugut, amerlasuullu akissarsitinneqarput. Akissarsisussanik toqqaaniarneq ajornakusoorsimaqaaq, nalilersueqqissaarnerilli kingornatigut uku toqqarsimavagut:
Lea Christensen, Atuarfik Hans Lynge 8.a. Coronap nalaani nikallunganeq mianersoqqissaarnerlu pillugit assimik imartuumik kusanartumillu kiisalu eqqarsaatit misigissutsillu pillugit isumaliutigilluakkanik oqaasertaligaasumik suliaqarsimanera pillugu.
Malu Larsen, Kangaatsiap Atuarfia 8. kl. Allaaserisamik imartuumik taassuminnga atuartup silarsuarmut eqqasuuteqarfiusumut, mattusimaffiusumut, aqqaluartaarnermik nuannaarutiginniffiusumut atuarfimmillu maqaasiffiusumut pulatinneqarfigisaasutullusooq ittumut allassimanera pillugu.
Isajas Hansen, Nanortallip Atuarfia 9.a. Allaaserisamik pitsaasumik suullu tamarmik matoqqaneranni angallannikkut ilungersunartorsiornerup nalaanni nunaqarfeerarmiuulluni/illoqarfeerarmiuulluni naammagisimaarinnittariaqarnermik sukumiisumik allassimanera pillugu.
Aammattaaq klassit pingasut sulilluarsimanerat pillugu koorimik tamulugassanik imalimmik tunineqarput: 10.e Sisimiuni Nalunnguarfiup Atuarfianit, 8.a Nuummi Atuarfik Hans Lyngemit aamma 9.a Nanortalimmi Nanortallip Atuarfianit.
Sermitsiami ilanngutassiaq atuaruk.
Nalunnguarfiup Atuarfiani 10.e-mi atuartut "Coronap nalaani inuusuttuuneq" pillugu sulilluarsimanertik pillugu koorimik tamulugassanik imalimmik akissarsitinneqartut.
Atuarfik Hans Lyngemi 8.a-mi atuartut "Coronap nalaani inuusuttuuneq" pillugu sulilluarsimanertik pillugu koorimik tamulugassanik imalimmik akissarsitinneqartut.
Asseq: Ilinniartitaanermut Aqutsisoqarfik
Nanortallip Atuarfiani 9.a-mi atuartut "Coronap nalaani inuusuttuuneq" pillugu sulilluarsimanertik pillugu koorimik tamulugassanik imalimmik akissarsitinneqartut.
-
19. oktober 2023
Meeqqat atuarfiisa Netflixiat – mitCFU-kkut atuartitsinermi filmit TV-kkullu aallakaatitat atorlugit ilikkagaqarit
mitCFU-mi filmit tv-kkullu aallakaatitat 45.000-nit amerlanerusut meeqqat atuarfianni ilinniarnertuunngorniarfinnilu atuartunut naleqquttuutitat isiginnaarsinnaavatit.
Tamakkerlugu atuaruk
Aamma atuartitsinissamut ilitsersuutit atuartitsinerpit nalaani atorsinnaasatit 2.200-nit amerlanerusut nanisinnaavatit. -
29. september 2023
Efterskolenut ingerlatsivik Ilinniakkamik saqqumersitsisoqarnerani alakkarsiuk
Ilinniartitaanermut Aqutsisoqarfiup efterskolenut ingerlatsivia, ilinniartitaaneq pillugu paasititsiniaanermut 2023-mi ingerlatsisoqarnissaanut, ilinniakkamik saqqummersitsisoqarnissamut peqataassaaq.
Tamakkerlugu atuaruk -
18. august 2023
Klimaugen
Sapaatip-akunnerani 39-mi klima pillugu sammisaqarnissaq 8. klassimit 10. klassimut atuartut klimap allanngoriartornerata Issittumut nunarsuarmullu sunniutipilui pillugit ilinniarfigisassaat aallartissaaq. Atuartut klima pillugu oqallinnerit pillugit ilisimatinneqartarnissaminnut pisinnaatitaaffeqarnertik, oqallinnerni taamaattuni tusaaneqartussaanertik oqallinnernullu taamaattunut peqataatinneqarsinnaanertik ilisimassavaat.
Tamakkerlugu atuaruk -
15. august 2023
Pimmatiginninneq akiorniarlugu suliniuteqarnermi siunnersuutitsialaat arfinillit
Kissaatigaarput ilinniartitsisut, atuartut, angajoqqaat atuarfimmilu aqutsisut ukioq atuarfiusussaq 2023 aallartilluassagaat atugarissaarnissaq pimmatiginnittarnerullu akiorneqarnera ukkataralugit. Pimmatiginninneq akiorniarlugu suliniuteqarnermi siunnersuutitsialaat arfinillit takukkit, aammalu atuartuutissi qanoq pitsaanerusumik atugarissaartinneqarsinnaanerunersut.
Tamakkerlugu atuaruk -
15. august 2023
Logokonkurrence
Nuna tamakkerlugu meeqqat inuusuttullu siorna nuna tamakkerlugu pimmatiginninneq akiorniarlugu periusissiamut atatillugu logoliornermik unammisitsinermi peqataapput. Maanna meeqqat suliaat unammisitsinermi suliat 30-usut Nunatta Atuagaateqarfiani saqqummersinneqarneranni ammaanersiornermi peqataasinnaavutit, Hinnarik Kammanilu nipilersussapput pimmatiginnittarnerlu pillugu oqaloqatigineqarsinnaassallutik.
Tamakkerlugu atuaruk