Ilinniartitaanermut Aqutsisoqarfiup portali nutaaq, Kalaallit Nunaanni meeqqat atuarfianni atuartuusut digitaliusuni naleqquttumik ileqqoqarneq pillugu ilisimasaqarnissaannik qulakkeerinneqataaffiusussaq, pilersippaa. Taamaalillutit illit ilinniartitsisutut atuartuutinnut ajornaatsumik akeqanngitsumillu atuartitsinermi atortussat modulinut sisamanut avinneqarsimasut naammassitissinnaalerpatit.
WiFive tassaavoq atuartitsinermi atortussaq modulinut sisamanut avinneqarsimasoq aamma TDC Groupimit Danske Skoleeleverimiillu digitaliusuni ataqatigiilluarnissamut tunngatillugu ineriartortinneqarsimasoq. Atuartut akulliit digitaliusutigut ataqatigiinnerisa nukittorsarnissaat matumani angorusunneqarpoq.
Modulini makku sammineqarput:
”Atuartitsinermi atortussat nuannarineqarluartut kalaallisut saqqummersissinnaagatsigit nuannaarutigaara, Kalaallit Nunaannimi atuartut taakku pigisariaqarpaat. Atortussat suliaralugillu misilerarsimavagut, taakkununngalu tunngatillugu nuannersuinnarnik tusartarsimavunga. Qallunaatuui 12.000-erlutik aaneqarsimapput.” Esther Vyff, Danske Skoleeleverimi siulittaasuusoq, oqarpoq.
Portalip Kalaallit Nunaanni atulersinneqarneranut Ilinniartitaanermut Aqutsisoqarfiup pisortaa Simon Lennert ima oqaaseqarpoq: ”Internetip, mobilit, qarasaasiallu inuusuttut inuuneranni pingaarutilimmik inissisimanerisa nalaanniippugut, taamaattumik piffissaatillugu digitaliusutigut ileqqorissaarnissaannik ilinniartitsinissarput pingaaruteqarpoq. Atuartitsinermi atortussat allanngueqataallutillu atuarnerup nalaani ataqatigiilluarnermik atugarissaarnermillu pilersitseqataanissaat neriuutigaarput.”
Portali akeqanngitsuuvoq, ilinniartitsisuniillu Kalaallit Nunaanniittunit tamanit wifive.dk-mut iserluni Kalaallit Nunaata erfalasua toorlugu akeqanngitsumik aaneqarsinnaalluni. Ilinniartitaanermut Aqutsisoqarfiup WiFive 2019-imi suleqatigilersimavaa periusissiamullu Atuarfik Digitaliusumut atatillugu digitaliusuni naleqquttumik ileqqoqarnissamik suliniut aallarnisarsimallugu.
Paasisaqarnerorusuttut IT-mik atuinermi siunnersortimut Ane-Kathrine Petersenimut akpe@nanoq.gl-imut allallutik attaveqarsinnaapput.
Kivitsisa aamma Ilinniartitaanermut Aqutsisoqarfik ataatsimoorlutik suliniummi taaguutilimmi Pinnguarluta Kivitsisa, meeqqat atuarfiinut atortussianik nutarteralutik ineritartortitsillutillu katiterissapput, nuna tamakkerlugu atuarfiit piviusuanik ersersitsisut aallaavigalugit. Suliniutip LEGO Foundation aamma LIFE Fondenimit taperneqarnerani qulakkeerneqarput ilinniartitsisut atuartullu tamarmik assigiimmik piffissamut naleqquttumik atuartitsinermi atortussaqarsinnaanerat.
Tamakkerlugu atuarukVideo takuuk periarfissatillu suunersut paasillugit!
Tamakkerlugu atuarukwww.AtuartutNipaat.gl saqqummeqqammerpoq – taamaalillunilu nuna tamakkerlugu podcastikkut ajugaaniunneq aallartinneqarluni!
Tamakkerlugu atuarukPerorsaasut, ilinniartitsisut, isumaginninnermut siunnersortit aamma pitsaaliuinermut siunnersortit kommunenit tallimanit Kammagiittami ilitsersuisutut pikkorissarnerminnik ulloq septembarip 16-18-ianni Nuummi naammassivaat.
Tamakkerlugu atuarukIsersinnaalerneq atuartitsinermi naligiinnerusumik atugassaqartitsinissamut alloriarneruvoq pingaaruteqartoq, taamatullu atuartunut ilinniartunullu, atuarnermik allannermillu ajornartorsiuteqartunut, pitsaanerusumik ikorfartuinissamik qulakkeerinnittussaasoq.
Tamakkerlugu atuaruk